एजेन्सी – शरीरको तौल आवश्यक भन्दा बढि भएमा स्वास्थ्यसम्बन्धि विभिन्न किसिमका समस्याहरु देखिन्छन् । शरीरलाई फिट राख्नको लागि मोटोपन घटाउन निकै नै आवश्यक छ । यसै कारणले गर्दा मानिसहरु तौल घटाउनको लागि विभिन्न किसीमका प्रयासहरु गर्ने गर्छन् । तौल घटाउनको लागि मानिसहरु खानासम्म पनि त्याग गर्ने गर्छन् । आज हामी तपाईंलाई यस्ता विभिन्न ५ सरल घरेलु उपायहरुको बारेमा जानकारी दिन्छौं । जसमध्ये तपाईंले कुनै एकको प्रयोग गरी शरीरको तौल घटाई फिट रहन सक्नुहुन्छ ।
१) तातो पानी र मह
हरेक बिहान खाली पेटमा तातो पानीमा महलाई मिसाएर पिउनाले तौल घटाउनमा मद्धत पुग्दछ । यसले मधुमेह पनि नियन्त्रण हुन्छ । यसका साथै यसको प्रयोगले तपाईंको छाला पनि चम्किलो देखिन्छ ।
२) कागती पानी
तौल घटाउनको लागि कागती पानी पनि निकै नै राम्रो उपाय हो । हरेक बिहान खाली पेटमा कागती पानी पिउनुहोस् ।
३) ग्रीन टी
ग्रीन टी ले शरीरको बोसो हटाउने हुँदा दिनहुँ सेवन गर्नाले तौल घटाउनमा मद्धत पुग्दछ ।
४) धनिया र कागती पानी
६० ग्राम पिसेको हरियो धनिया र एउटा कागतीको रसलाई ४ गिलास पानीमा मिसाउनुहोस् । यसरी तयार भएको जुसलाई खाली पेटमा ५ दिनसम्म प्रयोग गर्नुहोस् । यो उपाय तौल घटाउनुको साथै स्वास्थ्यको लागि पनि निकै नै फाईदाजनक छ ।
५) प्रयाप्त मात्रामा पानी पिउनुहोस्
स्वस्थ जीवनको लागि प्रयाप्त मात्रामा पानी पिउन निकै नै आवश्यक छ । दिनभरीमा ८–९ गिलास पानी पिउनाले शरीरको तौल घटाउनमा मद्धत पुग्दछ ।
