भनिन्छ चिन्ताले मान्छेलाई चितामा पुर्याउँछ । चिन्ताकै कारणले शारीरिक तथा मानसिक रोगहरुलाई निम्ताउने गर्दछ । यो स्वास्थ्यका लागि पनि निकै घातक मानिन्छ ।
१. यौनजीवनमा असर पुर्याउने गर्छ :
धेरै पुरुषहरुमा चिन्ता लिनुको कारणले गर्दा शरीरमा सेक्स हार्मोन टेस्टोस्टेरोनको मात्रा कम हुदै जानसक्छ ।यसको कारणले शरीरमा बिकसित हुने रसायनले यौन उत्तेजना जगाउने रसायनलाई निस्तेज गराई दिन्छ ।
२. रोग निम्त्याउँछ :
विभिन्न अनुसन्धानको अनुसार चिन्ताले थुप्रै किसिमको रोगहरु निम्त्याउँने गर्छ। यसको कारणले उच्च रक्तचाप, मधुमेहजस्ता रोगहरु लाग्न सक्छ।
३. कपाल झर्न थाल्छ :
कपाल झर्नुको मुख्य कारण भनेको धेरै चिन्ता लिनु मानिन्छ। यसको कारणले शरीरमा कोर्टिसोल हार्मोन उत्सर्जन हुन सक्छ जसले गर्दा कपालका जरा कम्जोर हुन्छन र झर्ने गर्छन।
४. दाँत बिग्रिन्छ :
चिन्ता लिँदा दाँत खिइने र गिजामा समस्या आउन सक्छ ।
५. मुटु कमजोर हुनु :
हामीले चिन्ता लिँदा हाम्रो मुटुको स्ट्रेस हार्मोनले मुटुको धड्कन बढाउने र नसा संकुचित गरेर रक्तसञ्चारमा बाधा उत्पन्न गराउने गर्छ। यसले हाम्रो मुटु निकै कमजोर बनाउछ।
६. दिमागमा असर पुर्याउछ :
चिन्ताले हाम्रो दिमागमा धेरै असर गर्दछ र यसले हिप्पोक्यामस भन्ने भागलाई “ड्यामेज” गर्ने गर्दछ। यसले गर्दा मानिसहरुमा स्मरण गर्ने शक्ति हराउदै जानसक्छ ।
७. शरीर दुख्ने :
हामीले चिन्ता लिँदा हाम्रो शरीरको हड्डीमा खनिजकोे मात्रा घट्न सक्छ जसले गर्दा जीउ दुख्ने जस्तो समस्याहरु उत्पन्न हुन सक्छ।
