मानिसहरुको जीवनमा विभिन्न रोगहरु संक्रमण हुने गर्दछ । यस्तै मानिसहरुमा धेरै देखिने रोगहरु मध्ये एउटा दम रोग पनि मानिन्छ । दम रोगले स्वासप्रश्वास प्रक्रियामा बाधा र फोक्सोमा असर पुर्याउँदछ । आजभोली दम रोगले धेरै युवायुवती र वृद्धहरूलाई सतेरहेको देखिन्छ ।
यदि हामीलाई दम रोग छ भने , उक्त स्वासनलीको भित्रको भाग सुन्निने गर्छ र धुँवा , धुलो र टेन्सनले गर्दा स्वासनलीमा झन् झन् बढि दवाव पर्ने गर्छ।
फिजजस्तो टासिने , नछुट्टिने खकार आउने र हिड्दा ,उकालो चढ्दा , ओरालो झर्दा गाह्रो महसुस हुने दम रोगका लक्षणहरु हुन् । दम रोग निकै खतरनाक रोग भएकोले यसको बिरामीहरुले खानेकुराहरुमा ध्यान दिनु पर्दछ जस्तै चिल्लो खानेकुरा, दुध, दही, घिउ जाँड, रक्सी, चुरोट, सुर्ति आदि खानु हुदैन् ।
रोकथामका घरेलु उपायहरु :
१. लसुन :
यदि तपाइलाई दमको रोग छ भने लसुनलाई २ कप दुधमा ३ कोसा राखेर उमालेर खाने गर्नुस ।यसले दम रोगको कारणले गर्दा फोक्सोमा परेको दवाव कम गराउछ।
२. प्याँज :
प्याँज दम रोगको लागि निकै राम्रो मानिन्छ। यसले जलनलाई प्रतिरोध गर्न सक्छ र स्वासनलीको दभाव कम गराउछ । त्येसैले प्याँजलाई बफाएर वा काँचो प्याँज चपाउने गर्नुहोस ।
३. अदुवा:
अदुवाको टुक्रा मुखमा राख्दा वा चपाउँदा खोकी कम हुने गर्छ। यसको जुस, अनारको जुस र महलाई बराबर मात्रामा मिसाएर खानाले दमबाट मुक्ति पाउन सक्छौ।
४. तोरीको तेल :
तोरीको तेल हल्का कपूरको धुलोसँग तताएर बिरामीको छाती र ढाड मालिस गर्दा स्वासनलीलाई खुलाउँछ र स्वास फेर्न बाधा हुदैन।
५. कफी वा कालो चिया पिउने :
कफी वा कालो चिया पिउनाले तपाईलाई आनन्द महसुस गराउछ र यसले तपाईलाई स्वास फेर्न सजिलो हुन्छ ।