तपाईं जुन दिन एक अभिभाबक बन्नु हुन्छ, त्यो दिनदेखि तपाईंमाथि कैयौं जिम्मेवारीहरु आइसकेका हुन्छन। यस भरिमा सबै भन्दा महत्वपूर्ण भनेको बच्चाको पालणपोषण। बच्चाहरु सबैभन्दा धेरै कुरा आफ्नो अभिभाबकबाट सिक्छन। अभिभाबकले जे सिकायो बच्चाहरु त्यहि सिक्छन। र मुख्य कुरा छोराछोरी कस्ता हुन्छन भन्ने कुरा अभिभाबकबाटै थाहा पाउन सकिन्छ।
यदि तपाईं अभिभाबक हुनुहुन्छ र बच्चाहरु राम्रो भएको देख्न चाहनुहुन्छ भने यी ३ कुरा बच्चाहरुलाई नगर्नुस र नभन्नुस-
१. बच्चालाई डराउने- धेरै जसो आमाबुबाहरु बच्चालाई काम गराउन होस्, सुताउन होस् या चुप गराउन होस, उनीहरुलाई डराउने गरिन्छ। धेरै चोटी यस्तो वाक्यको पनि प्रयोग गरिन्छ जस्तै “छिट्टो सुत नत्र भुत आउँछ”,”त्यहाँ नजाउ, अहिले जोगी आएर लीएर जान्छ।” यदि भुत, राक्षस, जोगी नामको प्रयोग गरी बच्चाहरुलाइ डराउनुहुन्छ भने यस्तो कदापि नगर्नुहोस।
२. धम्काउने- यदि कुनै बच्चा राम्रो संग होमवोर्क गर्दैन, ठिक समयमा पढदैन अथवा अरु कुनै गल्ति गरेको छ भने उसलाई घरबाट निकाल्दिने र घरभित्र थुनेर राख्ने जस्ता किसिमको धम्कीहरु दिने गरिन्छ। तर यो तरीका धेरै पुरानो र एकदमै खराब तरिका हो। यसरि बच्चाहरुलाई कहिल्यै पनि धम्कि नदिनुहोस। यसले बच्चाको मानसिक स्थितिमा गहिरो असर पर्ने गर्छ।
३. भर्बल अब्युज- “तैलें खान खाइनस भने फेरी कुटाइ खालास” । लगभग धेरै घरमा सुन्न सकिने यो वाक्यलाइ भर्बल अब्युज भानिन्छ। धेरै रिस उठेमा कैयौं अभिभाबकले त कुट्ने पनि गर्छन तर बच्चालाई यस्तो वाक्यको प्रयोग गर्ने र कुट्ने गर्नुहुन्छा भने आफ्नो बानि बद्लिहाल्नोस। उनीहरुलाई कुनै दोस्रो उपाय लगाएर सम्झाउनुहोस। तपाइँ उनीहरुको कुरालाई राम्रो संग सम्झनुहोस र आफ्नो कुरा पनि उनीहरुलाइ सम्झाउनुहोस।
