एजेन्सी – गोरोपनमा कमी आउनुका विभिन्न कारणहरु हुन सक्छन् । जस्तै घाम , प्रदुषण , अनुहारमा आउने दागधब्बा आदि । बजारमा पाईने सौन्दर्य प्रशाधनका सामाग्रीहरु संवेदनशील छालाको लागि निकै नै हानिकारक छ । त्यसैले तपाईंले छालामा प्राकृतिक बस्तुको प्रयोग गर्नु नै राम्रो हुन्छ । यसबाट छालामा कुनै प्रकारको हानी हुदैंन । यसको लागि तपाईंले विभिन्न किसीमका घरेलु प्राकृतिक उपायलाई अपनाउन सक्नुहुन्छ ।
१) बेकिंग सोडा
बेकिंग सोडा र पानीलाई मिलाएर पेस्ट बनाउनुहोस् । यसलाई अनुहारमा १५ मिनेटको लागि लगाउनुहोस् । यसलाई अनुहारमा लगाईसकेपछि फेशवासले मुख धुनुहोस् ।
२) दुध र केरा
पाकेको केरालाई थोरै दुधमा मिसाएर पेस्ट बनाएर अनुहारमा लगाउनुहोस् । २० मिनेटपछि मुख धुनुहोस् । यसले तपाईंको अनुहारमा चमक ल्याउँछ ।
३) गुलाबजल
गुलाबजललाई दुधसँग मिसाएर लगाउनुहोस् । यसलाई राति सुत्नुभन्दा अगाडि अनुहारमा लगाउनुहोस् । यसले अनुहारलाई चम्किलो बनाउँछ ।
४) घ्युकुमारीको रस
घ्युकुमारीको रसले तपाईंको अनुहारको छालालाई गोरो , सफा र नरम बनाउँछ । यसलाई अनुहार र घाँटीमा ३० मिनेटसम्मको लागि लगाउनुहोस् ।
५) सूर्यमुखीको बीउ
थोरै सूर्यमुखीको बिउलाई रातभरि दुधमा भिजाएर राख्नुहोस् । त्यसपछि विहान यसमा बेसार र थोरै केशरलाई हालेर पेस्ट बनाउनुहोस् । यसलाई १५ मिनेटसम्म अनुहारमा लगाउनुहोस् । यसपछि मुख धुनुहोस् । केहि दिनमै तपाईंको अनुहार गोरो बन्नेछ ।
६) आँपको बोक्रा
आँपको बोक्रालाई दुधसँग मिसाएर पेस्ट बनाउनुहोस् । यसलाई अनुहार र घाँटीमा १५ मिनेटसम्म लगाईसकेपछि पानीले मुख धुनुहोस् । यसबाट अनुहारको दागधब्बा हटेर अनुहार गोरो बन्छ ।
७) मह
केही थोपा कागतीको रस र दहिलाई महसँग मिसाएर अनुहारमा लगाउनुहोस् । १५ मिनेटसम्म लगाई राम्ररी मुख धुनुहोस । यसले अनुहार गोरो बन्नुको साथै सफा देखिन्छ ।
८) चीनीले बेस्सरी घोटेर सफा गर्ने
चीनीलाई कागतीको रससँग मिसाउनुहोस् । र यसलाई हातले बिस्तारै अनुहारमा दल्नुहोस् । यसबाट मरेको छाला हट्छ । र अनुहारको छाला एकदम राम्रो र सफा देखिन्छ ।
९) नरिवलको पानी
दिनमा दुईपटक अनुहारमा नरिवलको पानीले सफा गर्नुहोस् । यसबाट अनुहारको दागधब्बा हट्नुको साथै अनुहार गोरो हुन्छ ।
१० ) पानी धेरै पिउनु
पानीले शरीरको फोहोर बाहिर निकाल्छ । र अनुहारलाई कस्सिलो बनाई चाउरीपनलाई मेटाउँछ । यसले अनुहारलाई सफा र सुन्दर बनाउँछ ।
११) राम्रो निन्द्रा आउनु
हरेक दिन तपाईं ८ घण्टासम्म सुत्न जरुरी छ । यसले आँखाको तल बस्ने डार्क सर्कललाई हटाउँछ । यसका साथै यसले प्राकृतिक रुपमा अनुहारलाई गोरो र चम्किलो बनाउँछ ।
