बिगुल स्वास्थ्य, काठमाडौँ । रसियन पेन्सिलिन भनिएको लसुनलाई परापूर्वकालदेखि पेटको समस्या, परजीवीको संक्रमण र कुष्ठरोगको उपचारमा प्रयोग गरिँदै आएको छ । वास्तवमा हामीले स्वस्थ रहन लसुन खाने गर्नुपर्छ । यो प्राकृतिक एन्टिबायोटिक हो । रुघाखोकी लाग्दा वा नाक बग्दा लसुनको प्रयोग गरेमा फाइदा पुग्छ । लसुनलाई पिसेमा वा चपाएमा त्यसका रसायन मिसिएर एलिसिन बन्छ । एलिसिनले हाम्रो शरीरलाई ऊर्जावान बनाउँछ । उच्च रक्तचाप, भाइरल संक्रमण, व्याक्टेरियल संक्रमण, ढुसीको संक्रमणलाई एलिसिनले नियन्त्रण गर्दछ ।
कैयौँ अनुसन्धानबाट देखिएअनुसार लसुनले केही प्रकारका क्यान्सरको उद्गम रोक्छ । प्राचीन ग्रीसमा संक्रमण रोक्न तथा फोक्सो र रगतको विकार हटाउन लसुन प्रयोग गरिन्थ्यो । शक्तिशाली एन्टिअक्सिडेन्ट लसुनले क्याम्पाइलोब्याक्टर जेजुनीलाई निस्तेज पार्ने परीक्षणबाट देखिएको छ । लसुन प्रयोग गर्नु पहिले ध्यान दिनुपर्ने महìवपूर्ण कुरा के छ भने जहिले पनि लसुनलाई पिसेर मात्र प्रयोग गर्ने । लसुन पिसेर १० मिनेट जति त्यतिकै छाडेमा एलिसिन तìव पूर्णरूपमा सक्रिय हुन्छ ।
उपचारका लागि लसुनको उपयोग
लसुनको चियाः एक टुक्रा अदुवालाई तीन कप पानीमा १५ मिनेट उमाल्ने । त्यसमा दुई चाना लसुनको मिसाउने र पाँच मिनेट जति राख्ने । स्वादका लागि मह मिसाउन सकिन्छ । रुघाका लागि लसुनः लसुनको दुई चानालाई पिसेर एक वा दुई कप पानीमा राखेर तुरुन्तै पिउने । त्यस लगत्तै एक गिलास शुद्ध पानी पिउने । दिनमा केही घण्टाको अन्तरालमा यसो गरिरहने । यदि लुसन अलि बढी नै भयो भन्ने लाग्छ भने मह मिसाएर खान सकिन्छ ।
लसुन र महः
कफ लागेको अवस्थामा लसुनको एक चाना पिसेर एक चम्चा शुद्ध मह मिसाउने । यो मिश्रणलाई तुरुन्तै खाने । त्यसपछि एक गिलास पानी पिउने । दिनमा तीन पटक यसो गर्नुपर्छ । एजेन्सी
