एजेन्सी : सन् २०२२ मा बलिउड अभिनेत्री परिणीति चोपडा अभिनित फिल्म ‘द गर्ल अन द ट्रेन(The Girl on the Train 2021)’, सन्दीप और पिङ्की फरार(Sandeep Aur Pinky Faraar), साइना(Saina) र ‘भुज : द प्राइड अफ इन्डिया(Bhuj: The Pride of India)’ लगायत फिल्महरु रिलिज भए। तीमध्ये सबैभन्दा बढी चर्चा उनले ‘द गर्ल अन द ट्रेन’ बाट पाइन्। यो फिल्म नेटफ्लिक्समा रिलिज गरिएको थियो। फिल्ममा उनको अभिनयको निकै तारिफ भएको थियो। त्यसैबीच परिणीति चोपडाको एक अन्तर्वार्ता भाइरल भयो। 
यस अन्तर्वार्तामा परिणीति चोपडले आफ्नो व्यक्तिगत जीवनबारे खुलासा गरेकी थिईन्। नेटफ्लिक्सको अफिसियल इन्स्टाग्राम पेजले परिणीतिको एक भिडियो शेयर गरेको थियो, जसमा उनले ‘डु यु रिमेम्बर’ च्यालेन्ज गेममा आफ्नो व्यक्तिगत जीवनका राजहरु खोलेकी थिईन्।
यस भिडियोमा परिणीतिलाई सर्वप्रथम अन्तिम मेसेज कसलाई गर्नुभएको थियो भनेर सोधिन्छ। जसको जवाफमा उनले आफूले आफ्नो म्यानेजर नेहालाई मेसेज गरेको जवाफ दिन्छिन्। र दोस्रो प्रश्नमा उनलाई पहिलो पटक किस कहिले गर्नुभएको थियो भनेर सोधिन्छ। आफू १८ वर्षको हुँदा पहिलो पटक किस गरेको परिणीति बताउँछिन्।
पहिलो डेटको बारेमा प्रश्न सोध्दा उनले आफू कहिले पनि डेटमा नगएको खुलासा गर्छिन्। उनले आफूलाई डेटमा जान खासै मन नलाग्ने र ब्वायफ्रेन्डलाई घरमै भेट्ने गरेको बताउँछिन्। उनले ब्वायफ्रेन्डसँग घरमै क्वालिटी टाइम बिताउने, फिल्म हेर्ने, खाना अर्डर गर्ने र सँगै खाने गरेको खुलाएकी छिन्। साथै सैफ अली खान आफ्नो चाइल्डहुड क्रश भएको बताउँछिन्।
परिणीति चोपडले ‘द गर्ल अन द ट्रेन’ बाट डिजिटल डेब्यु गरेकी हुन्। फिल्ममा परिणीति बाहेक अदिति राव हैदरी, कीर्ति कुल्हारी र अविनाश तिवारी लगायतका कलाकारहरु अहम भूमिकामा छन्। फिल्मको निर्देशन रिभू दासगुप्ताले गरेका हुन्। यो फिल्म यहीँ नामबाट रिलिज भएको हलिउड फिल्मको रिमेक हो।
View this post on Instagram
