भदौ १२ गतेको पञ्चाङ्ग तथा राशिफल :
दिन : बिहीवार
तिथि : पञ्चमी, १५:५४ बजेपछि षष्ठी
नक्षत्र : चित्रा, ०८:१५ बजेपछि स्वाती
योग : शुक्ल, १३:५८ बजेपछि ब्रह्म
करण : वालव, १५:५४ बजेपछि कौलव, ०४:५३ बजेउप्रान्त तैतिल
मेष (चु, चे, चो, ला, लि, लु, ले, लो, अ)
योजनाहरू धेरै बन्नेछन् तर तिनलाई कार्यान्वयन गर्न कठिनाइ हुनेछ। इच्छाशक्ति अझै बलियो नभएकै कारण अपेक्षित प्रगति नहोला। व्यापार–व्यवसायमा सामान्य लाभ हुनेछ। आर्थिक पक्ष मध्यम खालकै रहला। मनोरञ्जन र मेलामेलाप्रति समय बढी जाने सम्भावना छ।
वृष (इ, उ, ए, ओ, बा, बि, बु, बे, बो)
बचत गर्ने मौका कम हुनेछ। आम्दानीभन्दा खर्च बढी हुने देखिन्छ, जसले आर्थिक अवस्था कमजोर बनाउन सक्छ। साना कामहरू मात्र पुरा हुनेछन्, ठूला समस्या टार्न सजिलो छैन। पढाइ–लेखाइमा भने केही सकारात्मक समय व्यतीत होला।
मिथुन (का, कि, कु, घ, ङ, छ, के, को, ह)
मनमा हल्का चिन्ता भए पनि परिस्थिति पहिलेको तुलनामा सुधारतर्फ छ। विपक्षीहरू भए पनि तिनको सामना गर्ने क्षमता बढ्दै गएको छ। गणेशको आराधनाले आर्थिक स्थितिमा सुधार ल्याउनेछ। व्यापारिक कार्यमा मध्यम स्तरको प्रगति हुनेछ।
कर्कट (हि, हु, हे, हो, डा, डि, डु, डे, डो)
दिन सामान्यतया शुभ रहनेछ। पहिलेभन्दा अवस्था राम्रो हुँदै गएको छ। सामान्य व्यवसायभन्दा बौद्धिक वा सिर्जनात्मक क्षेत्रमा लाभ बढी हुनेछ। प्राविधिक सीपमा पनि सुधार आउनेछ। स्वास्थ्य भने सामान्य खालकै देखिन्छ।
सिंह (मा, मि, मु, मे, मो, टा, टि, टु, टे)
हल्का भय भए पनि काम बिग्रने छैन। केही महत्वपूर्ण अवसर हातमा पर्न सक्छन्। खर्च घट्ने छैन तर त्यसलाई व्यवस्थापन गर्ने शक्ति विकसित हुनेछ। पारिवारिक खर्च बढ्ने संकेत छ। भैरवको दर्शन लाभदायी हुनेछ।
कन्या (टो, प, पि, पु, ष, ण, ठ, पे, पो)
समय अनुकूल छैन। अनावश्यक झन्झट र समस्या आउन सक्छन्। यद्यपि, आगामी दिनहरू शुभ तर्फ हुनेछन्। बौद्धिक क्षमता विस्तार हुँदैछ। पढाइमा समय थपेमा ज्ञानमा उल्लेखनीय वृद्धी हुनेछ।
तुला (र, रि, रु, रे, रो, ता, ति, तु, ते)
मध्यम समय रहनेछ। आधा काम बन्नेछ भने आधा अपुरो रहन सक्छ। मनमा शंका र भ्रम रहने सम्भावना छ। पीपलमा जल चढाउनु लाभदायी हुनेछ। जागिर वा रोजगारीमा ठूलो आधार अहिले नपाइने देखिन्छ। पढाइतर्फ ध्यान दिनु शुभ हुनेछ।
वृश्चिक (तो, ना, नि, नु, ने, नो, या, यि, यु)
त्यति खराब समय छैन। अवस्था सुधार हुँदै आएको छ। व्यापारिक कार्यबाट बिस्तारै लाभ हुनेछ। स्वास्थ्यमा सुधार छ। परिवारको साथ–सहयोग मिल्नेछ। गणेशको दर्शन गर्नु लाभदायी हुनेछ।
धनु (ये, यो, भ, भि, भु, ध, फा, ढ, भे)
खर्च भने कम हुने छैन, तर आय राम्रो भएकाले ठूलो समस्या आउँदैन। शिक्षा क्षेत्रमा प्रगति हुनेछ। साना पारिवारिक चिन्ताले सताउन सक्छ। शनिश्चरको पूजा गर्दा चिन्ता क्रमशः हराउनेछ।
मकर (भो, ज, जि, खि, खु, खे, खो, गा, गि)
सामान्य स्वास्थ्य समस्या आउन सक्छ जसले खर्च बढाउँछ। पारिवारिक सहयोग पाउन गाह्रो होला। मित्रमण्डलीमा मात्र भर गर्न नहुने समय छ। व्यापारमा अवरोध आउन सक्छ। पीपलमा जल अर्पण गर्नु उपयोगी हुनेछ।
कुम्भ (गु, गे, गो, सा, सि, सु, से, सो, द)
काम आधा पुरा हुने आधा अपुरो रहन सक्छ, तर ठूलो घाटा भने छैन। दैनिकी सहजै चल्नेछ। विपक्षीलाई सामना गर्न सक्ने क्षमता बढ्नेछ। बौद्धिक स्तर पनि परिष्कृत हुँदै जानेछ।
मीन (दि, दु, थ, झ, ञ, दे, दो, च, चि)
खर्च र आम्दानी लगभग बराबर रहनेछ। त्यसैले बचत गर्ने अवसर हाल छैन। सम्मानमा ठूलो वृद्धि नभए पनि ठूलो ह्रास पनि हुने छैन। व्यवसायमा सामान्य लाभ हुनेछ। बौद्धिक कार्यमा ध्यान केन्द्रित गर्न कठिन हुनेछ। बंगलामुखीको दर्शन लाभदायी हुनेछ।
