भदौ १३ गतेको पञ्चाङ्ग तथा राशिफल
दिन : शुक्रवार
तिथि : षष्ठी, १७:५४ बजेपछि सप्तमी
नक्षत्र : स्वाती, १०:४६ बजेपछि विशाखा
योग : ब्रह्म, १४:३४ बजेपछि ऐन्द्र
करण : तैतिल, १७:५४ बजेपछि गर, ०६:५६ बजेउप्रान्त गर
मेष राशि – चु, चे, चो, ला, लि, लु, ले, लो, अ (Aries):
दिन सहज रहने छैन। विभिन्न समस्याले मानसिक तनाव बढाउन सक्छ। सुधार केही हदसम्म मात्र आउनेछ। परिवारबाट सहयोग पाउन गाह्रो हुनेछ, मित्रहरू पनि स्वार्थपरक लाग्न सक्छन्। स्वास्थ्यमा सतर्क रहनु आवश्यक छ।
वृषभ राशि – इ, उ, ए, ओ, बा, बि, बु, बे, बो (Taurus):
केहि कामहरू पूरा हुने सम्भावना छ, तर झन्झट अझै बढ्न सक्छ। शंका र डर कम भए पनि निर्णयमा केही कमजोरी देखिन्छ। मित्रबाट सहयोग प्राप्त हुनेछ। पढाइमा सामान्य सुधार आउनेछ।
मिथुन राशि – का, कि, कु, घ, ङ, छ, के, को, ह (Gemini):
दिन पहिलेभन्दा राम्रो रहनेछ। मानसिक चिन्ता क्रमशः कम हुनेछ। गरेका काम सामान्य रूपमा भए पनि पूरा हुनेछन्। व्यापार र व्यवसायमा लाभको योग छ। साँझतिर सानो झन्झट पर्न सक्छ।
कर्कट राशि – हि, हु, हे, हो, डा, डि, डु, डे, डो (Cancer):
आम्दानी र खर्च लगभग बराबर हुने हुँदा बचत कम हुनेछ। आफ्नो र परिवारको स्वास्थ्यसम्बन्धी खर्च बढ्न सक्छ। पढाइमा मेहनतले राम्रो नतिजा दिनेछ। व्यवसायिक कामबाट सामान्य लाभ प्राप्त हुनेछ।
सिंह राशि – मा, मि, मु, मे, मो, टा, टि, टु, टे (Leo):
पेटको समस्या वा रुघाखोकीले असुविधा पुर्याउन सक्छ र उपचारमा खर्च हुनेछ। बेलुकीदेखि सुधार आउनेछ। बुद्धिकौशलको पक्ष राम्रो छैन। जागिर सम्बन्धी कामले मात्र टेवा दिन्छ। भगवान शिवको पूजा गर्नु लाभदायक हुनेछ।
कन्या राशि – टो, प, पि, पु, ष, ण, ठ, पे, पो (Virgo):
दिन मध्यम रहनेछ। आधा काम पूरा हुनेछन् भने आधा बाँकी रहनेछ। बुद्धिकौशल राम्रो भए पनि बाह्य बाधाले लक्ष्य प्राप्ति गाह्रो हुन सक्छ। स्वास्थ्य सामान्य छ। गणेशको दर्शन र पूजा गर्नु लाभदायक हुनेछ।
तुला राशि – र, रि, रु, रे, रो, ता, ति, तु, ते (Libra):
सम्मान र खर्चमा ठूलो परिवर्तन देखिँदैन। प्रतिष्ठा बढ्ने समय छैन। अरूले तपाईंको काममा आलोचना गर्न सक्छन्। पढाइमा सामान्य प्रगति हुनेछ। विवाहसम्बन्धी मामलामा केही प्रगति सम्भावना छ।
वृश्चिक राशि – तो, ना, नि, नु, ने, नो, या, यि, यु (Scorpio):
दिन राम्रो रहनेछ। दिनको सुरुवातमै मित्रहरूसँग भेटघाट र रमाइलो सम्भावना छ। मुद्दा वा विवादमा विजय प्राप्ति हुनेछ। स्वास्थ्य सामान्य छ। व्यवसायले लाभ दिनेछ।
धनु राशि – ये, यो, भ, भि, भु, ध, फा, ढ, भे (Sagittarius):
खर्च बढी हुनेछ। तर काममै खर्च हुनु मानसिक चिन्तालाई कम गर्छ। किताब वा शिक्षासम्बन्धी सामग्रीमा धेरै खर्च हुनेछ। प्राविधिक ज्ञानको प्रयोग लाभदायक हुनेछ।
मकर राशि – भो, ज, जि, खि, खु, खे, खो, गा, गि (Capricorn):
मनमा डर र शंका रहला, तर बिग्रने समय छैन। निर्णय लिनुहुने इच्छाशक्ति बलियो छ। वातावरण बिस्तारै स्थिर हुनेछ। पढाइमा सामान्य प्रगति हुनेछ। मित्र र प्रेम सम्बन्धमा सहयोग प्राप्त हुनेछ।
कुम्भ राशि – गु, गे, गो, सा, सि, सु, से, सो, द (Aquarius):
खर्च लाभदायक काममा हुनेछ। व्यवसायले खर्चको भार पुरा गर्न सक्षम हुनेछ। काम गर्ने जोश कम भएको छैन। मान–प्रतिष्ठामा कमी देखिँदैन। सहयोगी मित्रहरूको संख्या बढी छ।
मीन राशि – दि, दु, थ, झ, ञ, दे, दो, च, चि (Pisces):
दिन राम्रो रहनेछ। मनमा केही शंका र डर भए पनि बिस्तारै कम हुनेछ। व्यवसायिक लाभ मध्यम हुनेछ। गणेश र शनिको पूजा गरेर बाधा हटाउन सकिन्छ।
