भदौ ११ गतेको पञ्चाङ्ग
दिन : बुधवार
तिथि : चतुर्थी, १४:०८ बजेपछि पञ्चमी
नक्षत्र : हस्त, ०५:५९ बजेपछि चित्रा
योग : शुभ, १३:३४ बजेपछि शुक्ल
करण : भद्रा, १४:०८ बजेपछि वव, ०२:५९ बजेउप्रान्त वालव
मेष राशि (चु, चे, चो, ला, लि, लु, ले, लो, अ)
चुनौतीहरू प्रशस्त हुनेछन्, तर ती सबैलाई सामना गर्ने क्षमता तपाईंमा छ। साथीहरूको सहयोगले केही कठिन काम सजिलै बन्न सक्छ। व्यापार–व्यवसायमा ठूलो फाइदा देखिँदैन। स्वास्थ्यमा कमजोरी आएर असजिलो महसुस हुन सक्छ।
वृष राशि (इ, उ, ए, ओ, बा, बि, बु, बे, बो)
दिन सामान्यतया अनुकूल रहनेछ। बिहानै इष्टमित्रसँग भेटघाट वा भोजभतेर हुने सम्भावना छ। तर नातेदारतर्फबाट खासै लाभ नहोला। व्यवसायसम्बन्धी कार्यमा अवरोध आउन सक्छ। आर्थिक स्थिति पूर्ण सबल छैन। अहिले देवीको आराधनाले मनोबल बढ्नेछ।
मिथुन राशि (का, कि, कु, घ, ङ, छ, के, को, ह)
परिवार वा आफ्नै स्वास्थ्यमा समस्या आउन सक्छ जसका कारण खर्च बढ्नेछ। यद्यपि दिनहरू क्रमशः सुधारतर्फ उन्मुख छन्। ठूलो सफलता हात नपरे पनि वाणीमा प्रभाव रहनेछ। तपाईंको भाषण वा वाक्चातुर्यले लाभ दिलाउनेछ।
कर्कट राशि (हि, हु, हे, हो, डा, डि, डु, डे, डो)
थोरै खर्च बढे पनि दिनलाई सकारात्मक मान्न सकिन्छ। साथीहरूको अपेक्षित फाइदा नपाइए पनि आफ्नै बुद्धि र परिश्रमले काम बन्नेछ। अध्ययनमा प्रगति देखिन्छ। नारायणको दर्शन लाभप्रद हुनेछ। व्यापारमा समेत केही लाभ हुने संकेत छ।
सिंह राशि (मा, मि, मु, मे, मो, टा, टि, टु, टे)
पहिले घटेको मान–प्रतिष्ठा पुनः बढ्ने सम्भावना छ। तर खर्च कम हुने देखिँदैन, विभिन्न कारणले पैसाको उपयोग गर्नै पर्ने हुन्छ। व्यवसायबाट सामान्य मात्र लाभ पाइनेछ। हाललाई जागिर वा नोकरीको पक्षमा टेवा बढी रहनेछ।
कन्या राशि (टो, प, पि, पु, ष, ण, ठ, पे, पो)
बोलचालमा संयमता अपनाउनु जरुरी छ। साथी घट्ने र विरोधी बढ्ने संकेत छ। आर्थिक पक्ष भने सामान्य रहला। स्वास्थ्यमा सानोतिनो समस्या आउन सक्छ। जागिरतर्फ सामान्य सहयोग पाइनेछ। नियमित रूपमा पीपलमा जल अर्पण गर्नु लाभदायी हुनेछ।
तुला राशि (र, रि, रु, रे, रो, ता, ति, तु, ते)
दिन त्यति सहज छैन, त्यसैले ठूलो रकमको कारोबार नगर्नुहोला। क्रमशः परिस्थितिमा सुधार आउँछ। उत्साह भने कायम रहनेछ। व्यापारतर्फ राम्रो लाभ पाइने सम्भावना छ। प्राविधिक कामहरूबाट विशेष फाइदा हुने देखिन्छ।
वृश्चिक राशि (तो, ना, नि, नु, ने, नो, या, यि, यु)
मध्यम खालको समय रहनेछ। अनावश्यक काममा समय खर्च हुन सक्छ। विरोध गर्ने मानिसहरू बढी भेटिन सक्छन्। गणेशको पूजा वा दर्शनले शान्ति मिल्नेछ। जागिरतर्फ भने विशेष अवरोध छैन।
धनु राशि (ये, यो, भ, भि, भु, ध, फा, ढ, भे)
मनमा अनिश्चितता र भयको भाव रहिरहला जसले गर्दा काममा ढिलासुस्ती हुनेछ। परिवारको सहयोगले धेरै कुरा सहज बन्नेछ। साथीहरू असल खालका हुनेछन् र सहयोगी बन्नेछन्। पढाइतर्फ बढी ध्यान जानेछ तर लेखाइमा कमी रहन सक्छ।
मकर राशि (भो, ज, जि, खि, खु, खे, खो, गा, गि)
यात्रा गर्ने सम्भावना देखिन्छ। प्रेम वा विवाहसम्बन्धी विषयमा प्रगति हुनेछ। स्वास्थ्य सामान्य स्तरमा रहला। अध्ययनमा गरेको लगानी खेर जाने छैन। जागिरतर्फ भने अझै अनिश्चितता कायमै रहनेछ।
कुम्भ राशि (गु, गे, गो, सा, सि, सु, से, सो, द)
समय लाभदायी छ। बुद्धि र विवेक सुधारिएको अनुभव हुनेछ। स्वास्थ्यमा सानोतिनो समस्या आउन सक्छ, त्यसैले बिहानै शिवजीको दर्शन गर्नु लाभप्रद हुनेछ। तपाईं अरूलाई सजिलै प्रभावित पार्न सक्नुहुनेछ।
मीन राशि (दि, दु, थ, झ, ञ, दे, दो, च, चि)
स्वास्थ्य पक्ष कमजोर देखिन्छ। अध्ययनमा समय दिन खोजे पनि ध्यान केन्द्रित हुन गाह्रो पर्न सक्छ। साथी वा आफन्तबाट ठूलो सहयोग नपाइने सम्भावना छ। तर जागिर वा नोकरीतर्फ नकारात्मक समय छैन। नियमित रूपमा नारायणको दर्शन लाभकारी हुनेछ।
