असार २३ गतेको पञ्चाङ्ग :
दिन : सोमवार
तिथि : द्वादशी, २२:३२ बजेपछि त्रयोदशी
नक्षत्र : अनुराधा, ०१:२८ बजेपछि ज्येष्ठा
योग: शुभ, २३:०६ बजेपछि शुक्ल
करण : वव, ०९:३८ बजेपछि वालव, २२:३२ बजेउप्रान्त कौलव
मेष राशि (चु, चे, चो, ला, लि, लु, ले, लो, अ):
आज मन एकाग्र गर्न कठिन हुनेछ, जसले मानसिक तनाव निम्त्याउनेछ। शारीरिक रुपमा पनि थकाइ वा कमजोरीको अनुभव हुनेछ। वित्तीय निर्णयहरू सोच-सम्झेर मात्र लिनुहोस्, लगानीमा विशेष सावधानी अपनाउनुहोस्। आवश्यक कागजात वा कागजी कामप्रति लापरवाही नगरौं। यद्यपि, मध्यान्नपछि काममा सहजता आउनेछ।
वृष राशि (इ, उ, ए, ओ, बा, बि, बु, बे, बो):
आजको दिन व्यवहारिक कामका लागि अनुकूल छ। साथीसंगी वा वृद्ध व्यक्तिहरूसँग भेटघाट हुनेछ, नयाँ मित्रता पनि सुरु हुन सक्छ। सन्तानको प्रगतिले हर्ष बढ्नेछ। तर मध्यान्नपछि शरीर वा मनमा कमजोरी देखिन सक्छ। धार्मिक कार्यमा खर्च हुने सम्भावना छ, साथै स्वभावमा अलिक उदासीनता पनि देखिन सक्छ।
मिथुन राशि (का, कि, कु, घ, ङ, छ, के, को, ह):
व्यापार व्यवसायमा राम्रो सफलता मिल्नेछ। व्यापारिक वृद्धिका साथै ठूला व्यक्तिहरू वा पिताबाट सहयोग प्राप्त हुनेछ। धन लाभ र प्रतिष्ठा बढ्ने दिन हुनेछ।
कर्कट राशि (हि, हु, हे, हो, डा, डि, डु, डे, डो):
धर्म-कर्मप्रति रुचि बढ्नेछ। तीर्थयात्रा वा धार्मिक स्थल जाने योजना बन्न सक्छ। मानसिक र शारीरिक रूपमा प्रसन्नता अनुभव गर्नुहुनेछ। भाग्य बलियो रहनेछ, भाइबहिनी वा परिवारसँग रमाइलो समय बित्नेछ।
सिंह राशि (मा, मि, मु, मे, मो, टा, टि, टु, टे):
आज स्वास्थ्यमा ख्याल पुर्याउनु आवश्यक छ। बाहिरी खानपानबाट टाढा रहनु राम्रो हुनेछ। नकारात्मक विचारहरूबाट जोगिनुहोस् र पारिवारिक सम्बन्धमा सजगता अपनाउनुहोस्।
कन्या राशि (टो, प, पि, पु, ष, ण, ठ, पे, पो):
दिन राम्रो रहनेछ। जीवनसाथीसँगको सम्बन्ध अझ प्रगाढ हुनेछ। प्रेम सम्बन्धमा मिठास रहनेछ। सामाजिक क्षेत्र वा सार्वजनिक प्रतिष्ठामा वृद्धि हुनेछ। विपरीत लिंगीय व्यक्तिप्रति आकर्षण बढ्न सक्छ।
तुला राशि (र, रि, रु, रे, रो, ता, ति, तु, ते):
परिवारमा सुख, शान्ति र रमाइलो माहोल रहनेछ। केही सुखद घटनाहरू घट्न सक्छन्। कार्यक्षेत्रमा सफलता र प्रशंसा प्राप्त हुनेछ। केही आवश्यक काममा खर्च पनि हुनेछ। माईती पक्षबाट समाचार प्राप्त हुनेछ। आर्थिक लाभको सम्भावना पनि छ।
वृश्चिक राशि (तो, ना, नि, नु, ने, नो, या, यि, यु):
सन्तान सम्बन्धी चिन्ता बढ्न सक्छ। मानहानिको जोखिम छ, त्यसैले व्यवहारमा सावधानी अपनाउनुहोस्। शेयर बजारमा लगानी नगर्नु नै उचित हुनेछ। यद्यपि, विद्यार्थीहरूले पढाइमा सफलता पाउनेछन्। आर्थिक योजनाहरू सफलतापूर्वक सम्पन्न हुनेछन्।
धनु राशि (ये, यो, भ, भि, भु, ध, फा, ढ, भे):
आज उर्जा र जोशको अभाव रहनेछ। चिन्ताले मन थिचिन सक्छ। पारिवारिक वातावरण केही तनावपूर्ण हुन सक्छ, विशेषतः आमासँगको सम्बन्धमा खटपट वा आमाको स्वास्थ्य चिन्ताको विषय बन्न सक्छ। सार्वजनिक प्रतिष्ठामा आँच नआओस् भनेर बोलचालमा ख्याल राख्नुहोस्।
मकर राशि (भो, ज, जि, खि, खु, खे, खो, गा, गि):
दैनिक कामहरू सहज रूपमा सम्पन्न हुनेछन्। घरपरिवारको समस्या समाधानतर्फ उन्मुख हुनेछ। सम्पत्ति सम्बन्धी मुद्दाहरूमा सकारात्मक संकेत देखिनेछ। व्यवसायमा पनि राम्रो आर्थिक लाभ मिल्ने सम्भावना छ।
कुम्भ राशि (गु, गे, गो, सा, सि, सु, से, सो, द):
बोल्दा विशेष ख्याल राख्नुहोस्, किनकि विवादमा फस्न सक्ने सम्भावना छ। खर्चमा नियन्त्रण राख्नुहोस्। कार्यमा सन्तोषजनक सफलता नआए पनि धैर्यता आवश्यक हुनेछ। स्वास्थ्यमा गिरावट आउन सक्छ, र विद्यार्थीहरूको पढाइमा केही अवरोध देखिन सक्छ।
मीन राशि (दि, दु, थ, झ, ञ, दे, दो, च, चि):
दिन हर्ष र उमंगमा बित्नेछ। घरमा मांगलिक कार्यको सम्भावना छ। नयाँ कामको सुरुवात गर्न अनुकूल समय हो। आफन्त तथा मित्रसँग भेटघाट हुने सम्भावना छ। बाहिर खाना खाने वा घुम्न जाने योजना बन्न सक्छ। तन-मनबाट प्रसन्नता अनुभव गर्नुहुनेछ।
