ज्योतिष र पञ्चकमा शुभ र अशुभ समयको बारेमा उल्लेख गरिएको छ। शुभ समय वा मुहुर्तमा राम्रो कर्म गरेमा राम्रो फल प्राप्त हुन्छ। अर्कोतर्फ अशुभ समयमा गरेको राम्रो कर्मले अशुभ फल प्रदान गर्छ। हरेक महिनामा ५ दिन यस्ता हुन्छन्, जसमा शुभ कार्य गर्न निषेध गरिएको छ। यस समयलाई पञ्चक काल भनिन्छ। केही विशेष ग्रह र नक्षत्रहरूको स्थिति बनाउँदा पञ्चक हुन्छ। अगस्ट महिनामा हुने पञ्चक सुरु भएको छ।
पञ्चाङका अनुसार भदौ महिनाको पञ्चक भोलि अगस्ट २ तारिख बुधबार राति ११ बजेर २६ मिनेटमा शुरु भएको छ। पञ्चक सोमबार अगस्त ७ मा १:४३ बजे सम्म चल्नेछ। पञ्चकको ५ दिनमा कुनै काम गर्न कडा निषेध गरिएको छ। यस अवधिमा गरिएका यी कामहरूले ठूलो हानि पु¥याउँछन् । जीवनमा संकट पनि ल्याउन सक्छ।
पञ्चकको अवधिमा नगर्नुहोस् यी काम : –
• पञ्चकको समयमा गल्तीवश पनि काठ खरिद गर्नुहुँदैन्। काठ मात्र होइन, कुनै पनि इन्धन खरिद नगर्नुहोस्। यसो गर्नु निकै अशुभ मानिन्छ।
• पञ्चक कालमा शव जलाउनु पनि शुभ मानिँदैन। पञ्चकमा एक व्यक्तिको मृत्यु हुँदा एक व्यक्तिले थप ४ जनालाई साथमा लैजाने जनविश्वास भएको कारण पञ्चकमा मृत्यु भएमा शवसँगै ४ वटा नरिवल राखिन्छ। ताकि परिवारका बाँकी सदस्यको स्वास्थ्य र जीवनमा कुनै सङ्कट नआओस्।
• पञ्चक कालमा खाट, पलङ्ग र चारपाई बनाउनु शुभ मानिँदैन।
• पञ्चक कालमा घरमा छानो हाल्नु पनि अशुभ मानिन्छ। यसो गरे अशुभ फल दिन्छ।
• पञ्चक कालमा दक्षिण दिशाको यात्रा गर्नु पनि शुभ मानिँदैन। यदि यात्रा गर्न अत्यावश्यक छ भने केही उपाय गर्नुपर्नेछ।
