नेपालमा पनि बलिउड अभिनेता शहरुख खानको फ्यान फलोइंङ ठुलो सङ्ख्यामा पाउन सकिन्छ। पछिल्लो समय अभिनेताको कुनै नयाँ फिल्म रिलिज देखि जन्म दिन समेत नेपालमा रहेका उनका फ्यानले धूमधामको साथ मनाउने गरेका छन्। बुधबारबाट अभिनेता शाहरुख खानको नयाँ फिल्म ‘पठन’ रिलिज भएको थियो । यस फिल्म रिलिज भएको अवसरमा नेपालमा पनि उत्सव मनाएको छ।
बुधबार अभिनेता शाहरुख खानका नेपाली फ्यान ‘टीम एसआरके नेपाल’ केक काटेर नेपालमा प्रदर्शन भएकोमा उत्सव मनाएको छ। उक्त कार्यक्रममा अभिनेत्री पूजा शर्मा पनि उपस्थित थिइन्। अभिनेत्रीले उक्त कार्यक्रमको केही झलक आफ्नो इन्स्टाग्राम स्टोरीमा पनि राखेकी थिइन्।
अभिनेत्री स्टोरी राख्दै पठान एक उत्कृष्ट फिल्म भएको पनि बताएकी थिइन्। कुनै समयमा हलवालाले भारतीय फिल्मलाई बढी प्रोत्साहन गरेको भन्दै आलोचना गर्ने अभिनेत्री पूजा अहिले यसरी भारतीय फिल्म लाग्दा उत्सव मनाएको भन्दै केही मानिसले आलोचना समेत गरेका छन्।
केही दिन पहिलेसम्म अभिनेत्रीले लगाएको पोसाकलाई लिएर विवादमा तानिएको फिल्म प्रदर्शन मिति नजिकिदै गर्दा मानिसहरुबाट सकारात्मक प्रतिक्रिया पाइरहेको छ। यस भारतीय चलचित्रले नेपालमा पनि राम्रै व्यापार गर्ने अनुमान गरिएको छ।
तस्बिर स्रोत: टिम एस आर के नेपाल इन्स्टाग्राम
