धार्मिक मान्यता अनुसार माता लक्ष्मीलाई धनकी देवी मानिन्छ। जसको जीवनमा माता लक्ष्मीको आशीर्वाद हुन्छ उसलाई जीवनमा कहिले पनि सुख-सुविधाको कमी नहुने जनविश्वास रहेको छ । धर्ममा माता लक्ष्मीलाई प्रसन्न पार्न विभिन्न उपाय बारेमा बयान गरिएको छ । तर धर्ममा केही यस्ता उपायको बारेमा बयान गरिएको छ जसलाई बिहानको समयमा गर्दा धेरै धन लाभ हुने बताइन्छ ।
ज्योतिष शास्त्रका अनुसार हरेक बिहान-बिहान नुहाएर तुलसीको बोटमा जल चढाउनुपर्छ । हरेक बिहानीको समयमा तुलसीको बोटमा लक्ष्मीको वास हुने मान्यता रहेको छ। त्यसै पनि तुलसीको बिरुवामा जल चढाउँदा सुख समृद्धि प्राप्त हुने जनविश्वास रहेको छ । तुलसीलाई जल अर्पण गर्दा भगवान विष्णुको यो मन्त्र ‘ओम नमो भगवते वासुदेवाय’ जप गर्नुपर्छ।
बिहान सबेरै उठेर नुहाएर तामाको भाँडोमा पानी भरेर उदाउँदो सूर्यलाई अर्घ दिनुपर्छ र त्यस पानीमा सिन्दुर र फूलहरू हालेर उदाउँदो सूर्यलाई अर्घ दिँदा माता लक्ष्मीको कृपा प्राप्त हुने जनविश्वास रहेको छ । साथै, व्यक्ति सधैँ स्वस्थ र स्वस्थ रहन्छ।
बिहानको समय सबैले आफ्नो घर अवश्य सफा गर्न गर्नुहुन्छ। भनिन्छ माता लक्ष्मी सफा घरमा मात्र बास गर्छिन् । घर सफा गरेपछि घरको मुख्य प्रवेशद्वारमा सुद्ध गाईको घ्यूको दियो बाल्नुहोस् । घरको मुख्य प्रवेशद्वारमा नियमित दीप प्रज्वलन गर्नाले आफू तथा आफ्नी परिवारमा आउने हरेक विपत्तिबाट मुक्ति मिल्ने जनविश्वास रहेको छ । योसँगै माता लक्ष्मीको आगमन हुन्छ ।
हरेक बिहान घर सफा गर्दा नुन पानीले पुछ्नु शुभ मानिन्छ । भनिन्छ नुन पानीले वास्तु दोष हटाउनुसँगै देवी लक्ष्मीको कृपा पनि प्राप्त हुन्छ ।
