काठमाडौँ : कतिपय मानिसमा जन्मजात नै नेतृत्वको गुण हुन्छ। यी मानिसहरु सधैँ विरोधीहरुमाथि हाबी रहन्छन्। यी मानिसहरुले यो सीप सिक्न कुनै प्रशिक्षण लिनुपर्दैन्। यिनीहरुले आफ्नो दिमागबाटै सबै समस्याहरुको हल निकाल्छन् र मानिसहरुलाई समस्याबाट बाहिर निकाल्छन्। यिनीहरुलाई पराजित गर्न निकै कठिन हुन्छ। यिनका गुणहरुका कारण मानिसहरुले यिनलाई सम्मान गर्छन्। यहीँ कारण यिनीहरु आफ्ना विपक्षीहरूमाथि हाबी हुन्छन्। जान्नुहोस्, कुन-कुन राशिका मानिसहरु हुन् यी ?
• सिंह राशि – मा, मि, मु, मे, मो, टा, टि, टु, टे (Leo) : –
जसरी सिंह जङ्गलको राजा हुन्छ, त्यसैगरी सिंह राशिका मानिस राजाजस्तै हुन्छन्। आफूहरुभन्दा मुनिका सबै मानिसहरुलाई यिनले प्रभावित पार्छन्। यिनको बोल्ने शैली राम्रो हुने कारण यिनको अगाडी कोहीँ टिक्न सक्दैनन्। यस राशिका अधिकांस मानिसहरुमा नेतृत्वको गुण हुन्छ, जसबाट अरुले मार्गदर्शन प्राप्त गर्छन्।
• वृश्चिक राशि – तो, ना, नि, नु, ने, नो, या, यि, यु (Scorpio) : –
वृश्चिक राशिका मानिसहरु तीक्ष्ण बुद्धि र दूरदर्शी स्वभावका हुन्छन्। आम मानिसले बुझ्न नसकेका कुरा यिनले पहिले नै बुझिसकेका हुन्छन्। कामप्रतिको लगन र प्रतिबद्धताले यिनलाई अगाडि बढाउँछ। यहीँ कारण मानिसहरु यिनीहरुबाट प्रभावित हुन्छन् र यिनलाई अनुसरण गर्छन्। यिनीहरुले कुनै काममा भेदभाव नगरी अधिकांस सानातिना कामहरु आफैँ गर्छन्। यति मात्र होइन, यही विशेषताका कारण यी मानिसहरू पछि नेता बन्छन्।
• वृष राशि – इ, उ, ए, ओ, बा, बि, बु, बे, बो (Taurus) : –
वृष राशिका व्यक्ति पनि अरूमाथि शासन गर्ने प्रकृतिका हुन्छन्। यदि सिधा औँलाले घ्यु आएन भने यिनलाई औँला बाङ्गो गर्न पनि राम्ररी आउँछ। यिनीहरु जिद्दी र आफ्नो निर्णयमा अडिग रहन्छन्। साहसी व्यक्तित्वका कारण यिनीहरु अलि कत्ति पनि डराउँदैनन्।
