काठमाडौँ : ज्योतिष शास्त्रमा राहुलाई चर्चित एवं प्रभाव कारक ग्रहको रुपमा मात्र नभई आकस्मिकताको कारक ग्रह पनि मानिन्छ। राहु छाया ग्रह हो, परन्तु यसको प्रभावमा अस्पष्टता देखिन्छ। गत वर्ष २०७८ सालको चैत्र २९ गते मङ्गलबार(१२ अप्रिल सन् २०२२) राहुले राशि परिवर्तन गरी शुक्रको राशि वृषबाट मङ्गलको राशि मेषमा प्रवेश गरेको छ। यस अवस्थामा मङ्गल ग्रहको प्रकृति अनुसार यसको प्रभाव जनमानससहित चराचर जगतमा पर्नेछ। यस्तो स्थितिमा मिथुन लग्न अथवा मिथुन राशिका मानिसहरुलाई कस्तो खाले प्रभाव पर्ला, यसको चर्चा यहाँ गरिनेछ।
• मिथुन राशि – का, कि, कु, घ, ङ, छ, के, को, ह (Gemini) : – मिथुन लग्न अथवा मिथुन राशिका लागि राहु परिवर्तन लाभ अभाव एकादश भावमा हुनेछ। यो राहुको सर्वोत्तम स्थितिहरुमध्ये एक हो। यहाँ राहुले आफ्नो सम्पूर्ण प्रभाव दिन सफल हुनेछ, साथै राहुले यहाँ अचानक अर्थात् आकस्मिक आर्थिक लाभ गराउने गर्दछ। राजनीतिको कारक ग्रह भएकाले एकादश भावलाई राजनैतिक दृष्टिकोणले फाइदा पुर्याउने श्रेष्ठ भाव मानिन्छ।
मिथुन लग्न अथवा मिथुन राशिका लागि राहुको यो राशि परिवर्तन शुभ फलदायी नै साबित हुनेछ। आकस्मिक धन लाभ गराउनेछ। शेयर बजारको क्षेत्रमा आबद्द मानिसहरुले प्रचुर धन लाभ गर्नेछन्। व्यापार-व्यवसायमा संलग्न मानिसहरुका लागि प्रदेश बाहिर या देश बाहिर व्यापारिक गतिविधि विस्तारका लागि समय अनुकूल रहनेछ। राहुको दृष्टि तृतीय भाव पराक्रम भाव हुनेछ। यसकारण पराक्रममा वृद्धि एवं सामाजिक पद-प्रतिष्ठामा वृद्धि हुनेछ।
भौतिक सुखसुविधामा वृद्धि हुनेछ। दाजुभाइ तथा साथीभाइसँग मनमुटावको स्थिति सिर्जना हुन् सक्छ। राहुको दृष्टि पञ्चम भावमा हुनेछ। यस्तो अवस्थामा अध्ययन-अध्यापन या सन्तानको कारण चिन्ताले सताईरहन्छ। अध्ययन गरिरहेकाहरुका लागि यो समय तनावपूर्ण रहनेछ। एकाग्र चित्त भएर अध्ययन अध्यापन गर्नुहोला। अर्को दृष्टि सप्तम भावमा हुने कारण दाम्पत्य जीवनमा केही तनाव आउन सक्छ।
साथै साझेदारीका काममा पनि तनावको स्थिति सिर्जना हुनेछ। व्यापारमा परिवर्तनको सम्भावना पनि छ। प्रेमको मामिलामा राहु सकारात्मक फल प्रदायक साबित हुनेछैन्। मूल कुण्डलीमा तेस्रो, छैठो, दशौँ र एघारौँ भाव बाहेक अन्य भावमा राहुको स्थिति भएकाहरुका लागि यो परिवर्तन लाभदायक साबित हुनेछैन्। यद्यपि आउँदो १८ महिनाको लागि मिथुन राशि अथवा मिथुन लग्नको लागि लाभको दृष्टिले समय अनुकूल रहनेछ।
• कर्कट राशि – हि, हु, हे, हो, डा, डि, डु, डे, डो (Cancer) : – कर्कट लग्न अथवा कर्कट राशिका लागि राहुको गोचर दशम भाव राज्य भाव भईरहेको छ। यसलाई पनि राहुको एक उत्तम स्थिति मानिन्छ। कर्कट राशिका लागि सामाजिक दृष्टिकोणले, राजनीतिक दृष्टिकोणले, जागिरमा परिवर्तन, पद प्रतिष्ठामा परिवर्तनको स्थिति, कर्मक्षेत्रको दृष्टिकोणले हेर्दा यो परिवर्तन राम्रो मान्न सकिन्छ। राहुको दृष्टिको कारण धेरथोर तनावको स्थिति अवश्य उत्पन्न हुनेछ। राजनीतिक एवं सामाजिक दृष्टिले यो परिवर्तन उत्तम परिवर्तन साबित हुनेछ।
राहु दशम भावमा गोचर गर्दा पिताको स्वास्थ्यमा समस्या आउन सक्छ। दशम स्थानबाट राहुको दृष्टि द्वितीय स्थान धन भावमा पनि हुनेछ। यस्तो स्थितिमा अचानक धनखर्चको स्थिति, पारिवारिक खर्चमा वृद्धिको स्थिति, वाणीमा तीव्रताको अवस्था एवं घरपरिवारमा कुनै न कुनै अचानक कार्य आइपर्दा धन खर्चको स्थिति उत्पन्न हुनेछ। यस अवधिमा वाणीमा संयम राखेर काम गर्नु लाभदायक हुनेछ।
चतुर्थ भावमा दृष्टि पर्ने कारण माताको स्वास्थ्यको कारण तनावको स्थिति उत्पन्न हुनेछ। गृह र वाहन सुखमा खर्च हुने वातावरण बन्नेछ। यस अवधिमा सुखका स्रोतको सम्बन्धमा तनावको स्थिति रहनेछ। अर्को दृष्टि छैठौँ भावमा हुने कारण रोग, ऋण एवं शत्रुमाथि विजय प्राप्त हुनेछ। पुराना रोगहरुबाट छुटकारा पाउनुहुनेछ। ऋण चुक्ता गर्न सक्षम बन्नुहुनेछ।
यदि मूल कुण्डलीमा राहु तेस्रो, छैठौँ, दशौँ एवं एघारौँ भावमा छ भने सकारात्मक फलमा वृद्धि हुनेछ। परन्तु यी भावलाई छोडेर अन्य भावमा राहु छ भने हरेक कार्य सतर्क भएर गर्नुपर्नेछ।
