महाशिवरात्रिमा हरेक शिवभक्तलाई भगवान शिवको आशीर्वाद प्राप्त हुन्छ तर ज्योतिष शास्त्रका अनुसार यस्ता ८ राशी छन् जोसँग भोलेनाथ प्रसन्न रहन्छन्। आउनुहोस् जानौं ती ८ राशि कुन-कुन हुन्। महाशिवरात्रिमा यी आठ राशिका व्यक्तिले विशेष पूजा गर्नुपर्छ।
मेष राशि
मेष राशि मंगल ग्रहको राशि हो। यसैकारण मेष राशि हुनेहरुका लागि महाशिवरात्रिको दिन अझ शुभ रहनेछ किनकि यस वर्ष शिवरात्रि मंगलबार परेको छ। भोलेबाबाको आशीर्वाद मिल्नेछ र सबै मनोकामना पूरा हुनेछन्।
वृष राशि
वृष राशि शुक्रको राशि हो। शुक्रदेव र शुक्राचार्य भोलेबाबाका भक्त हुन्। शुक्र ग्रह शनिको मित्र हो। त्यसैले महाशिवरात्रिको दिन तपाईंको लागि शुभ रहने छ र यस दिन सन्तान सुख वृद्धि हुनेछ।
मिथुन राशि
मिथुन बुधको राशि हो। बुध हाल शनिको राशि मकर राशिमा गोचर गर्दैछ। बुधदेव पनि चन्द्रकुलका हुन्। चन्द्रदेव शिव भक्त हुन्। महाशिवरात्रिको दिन भोले बाबाको आशीर्वाद तपाईंमा रहनेछ। यो पर्वले खुशी र शुभ समाचार लिएर आउनेछ।
कर्कट राशि
कर्कट राशिको स्वामी चन्द्रमा हो। चन्द्रदेव भोलेबाबाका भक्त हुन्। महाशिवरात्रिको दिन भगवान शिवको कृपा प्राप्त गर्नुका साथै सबै प्रकारका संकटबाट मुक्ति मिल्नेछ।
सिंह राशि
सिंह राशि सूर्यको राशि हो र सूर्य कुम्भ राशिबाट मीन राशिमा प्रवेश गर्न लागेको छ। महाशिवरात्रिको दिन तपाईंका लागि धेरै विशेष रहनेछ। तपाईंले भगवान शिवको आशीर्वाद प्राप्त गर्नुहुनेछ र तपाईंको सबै मनोकामना पूरा हुनेछन्।
तुला राशि
तुला राशि पनि वृष राशि जस्तै शुक्रको राशि हो। शुक्रदेव र शुक्राचार्य भोलेबाबाका भक्त हुन्। शुक्र ग्रह शनिको मित्र हो। यसकारण महाशिवरात्रिको दिन तपाईंको लागि शुभ रहनेछ र तपाईंले हरेक संकटबाट मुक्ति पाउनुहुनेछ।
मकर राशि
मकर राशि शनिदेवको राशि हो। यस राशिमा शनिसँगै भगवान शिवको पनि विशेष कृपा हुन्छ। त्यसैले उनीहरुका लागि महाशिवरात्रिको दिन निकै विशेष हुनेछ।
कुम्भ राशि
यो राशि पनि शनिदेवको राशि हो। यस राशिमा शनिदेवको साथमा भोले बाबाको पनि विशेष कृपा रहन्छ। भोले बाबाको कृपाले यस दिनबाट तपाईंको सबै दुःख समाप्त हुनेछ।
