ज्योतिष शास्त्रमा बृहस्पतिलाई शुभ ग्रह मानिन्छ । बृहस्पति ग्रह ज्ञान, गुरु, सन्तान, जेठा भाइ, शिक्षा, धार्मिक कार्य, धन, दान, पुण्य र भाग्यको कारक ग्रह हो । जब जब बृहस्पति ग्रह राशि परिवर्तन गर्दछन् यसको प्रभावले सम्पूर्ण देश र सबै राशिहरुमा ठुलो प्रभाव पर्दछ । ज्योतिषी मदन गुप्ता, सप्तुले २० नोभेम्बर २०२१ बृहस्पति कुम्भ राशिमा प्रवेशले गर्नाले देश, संसार र राशिहरूमा कस्तो प्रभाव पार्छ भनेर बताइरहेका छन्। बृहस्पति १३ अप्रिल २०२२ सम्म कुम्भ राशिमा रहनेछ।
मेष राशि
बृहस्पतिको राशि परिवर्तनले मेष राशिका व्यक्तिहरूलाई आगामी सन २०२२ को प्रारम्भिक महिनामा राम्रो नतिजा दिनेछ। जीवनमा भोगिरहेका धेरै समस्याहरू समाप्त हुन सक्छ। आर्थिक स्थितिमा उल्लेखनीय सुधार हुने सङ्केत देखिएको छ । महत्त्वपूर्ण काम हात पार्न सकिनेछ। विशेष धन लाभ हुने योग रहेको छ । माता लक्ष्मीको विशेष कृपाले कार्यक्षेत्रमा प्रगति हुनेछ ।
मिथुन राशि
बृहस्पति ग्रह नवौँ घरमा प्रवेश गर्दै छ जुन भाग्यको घर हो। जसको कारण मिथुन राशि भएका मानिसको जीवनमा यस समयमा लामो समय देखि परिवारमा देखिएको समस्या समाधान हुनेछ । स्वास्थ्य समस्यामा सुधार हुनेछ । सन्तान पक्षबाट काममा सहयोग मिल्नेछ ।
सिंह राशि
अबको समयमा देव गुरु बृहस्पति सिंह राशिको सातौँ घरमा अवस्थित हुनेछन् । व्यापारमा पहिलेको भन्दा राम्रो अवस्था रहनेछ। दाम्पत्य जीवनमा केही समस्या आउनेछ तर धेरै चिन्ता लिनुपर्ने कुरा छैन। यस समयमा सिंह राशि भएका मानिसले आर्थिक लेनदेनमा सावधानी अपनाउनु होला ।
तुला राशि
बृहस्पतिको गोचर पाँचौँ घरमा रहनेछ। धन आर्जनको नयाँ र राम्रा अवसरहरू आउनेछन्। करियरको लागि समय उत्तम रहनेछ। दाम्पत्य जीवनमा आएका समस्या समाधान भएर जानेछन् । स्वास्थ्यमा समस्या आउन सक्ने हुँदा खान पानामा सतर्क रहनुहोला ।
कुम्भ राशि
कुम्भ राशिका व्यक्तिहरुलाई सन २०२२ को सुरुवाती दिनमा राम्रो लाभ मिल्नेछ। आर्थिक गतिविधिको दृष्टिले राम्रो हुनेछ। नयाँ कार्यमा सहभागी हुने र लाभ प्राप्त गर्न सकिनेछ ।
मीन राशि
मीन राशिका व्यक्तिहरूले यस समयमा बृहस्पति कुम्भ राशिमा रहँदा विदेश यात्रा गर्न सकिनेछ। धन सम्पत्ति बढ्ने सङ्केत पनि देखिन्छ । गरेका काममा सफलता मिल्नेछ । समग्रमा समय निकै राम्रो रहनेछ ।
