कण्डमको पाउच जस्तै ताली बजाएर उभिरहेकी रकुल प्रीतको लुक सामाजिक सञ्जालमा निकै भाइरल भएको थियो, जसमा फिल्मको शीर्षक ‘छत्रीवाली’ लेखिएको थियो ।
बलिउड अभिनेत्री रकुल प्रीत सिंहको करियर ग्राफ निकै तीव्र गतिमा अघि बढेको छ । तमिल र तेलुगु फिल्मको सुपरस्टार समेत रहेकी अभिनेत्री रकुल प्रीतले ‘दे दे प्यार दे’ मार्फत हिन्दी फिल्ममा पहिचान बनाएकी थिइन् । यस फिल्ममा उनी अजय देवगनकी प्रेमिकाको भूमिकामा देखिएकी थिइन् र त्यसपछि उनको लोकप्रियता निकै बढेको छ ।
यतिबेला नायिका आफ्नो आगामी फिल्मको पोस्टरलाई लिएर चर्चामा छिन् । चलचित्रको नाम ‘छत्रीवाली’ राखिएको छ र यति बेला सामाजिक सञ्जालमा यस फिल्मको पहिलो पोस्टर सार्वजनिक भएको छ । फिल्मको पोस्टर निकै अनौठो बनाइएको छ किनभने अभिनेत्रीको हातमा निर्देशकको ताली छ जसलाई कन्डमको पाउचको लुक दिइएको छ ।
कण्डमको पाउच जस्तै क्लैप लिएर उभिएकी रकुल प्रीत सिंहको लुक सामाजिक सञ्जालमा निकै भाइरल भयो, जसमा फिल्मको शीर्षक ‘छत्रीवाली’ लेखिएको थियो । यो पोस्टर सेयर गर्दै रकुलले लेखेकी छिन्– मौसमबिना जुनसुकै बेला पानी पर्न सक्छ । आफ्नो ‘छत्रीवाली’ तयार राख्नुहोस्। पोस्टर हेरेपछि फ्यानको मनमा एउटा प्रश्न उब्जिएको छ कि फिल्ममा रकुल प्रीत सिंहको भूमिका कस्तो हुनेछ ?
फिल्मको सुटिंग लखनउमा भइरहेको छ र जानकारीका अनुसार यसमा रकुल प्रीत सिंह कन्डम टेस्टरको भूमिकामा देखिनेछिन् । रकुल प्रीत सिंहसँग अहिले प्रोजेक्टको कुनै कमी छैन । उनी छिट्टै आयुष्मान खुरानासँग ‘डक्टर जी’ मा देखिनेछिन् । यसबाहेक रकुल प्रीत सिंहसँग अजय देवगन र अमिताभ बच्चनको फिल्म ‘मेडे’ मा देखिने छिन् ।
