अक्षय कुमारले आफ्नो प्रतिभाको बलमा बलिउडमा नाम कमाए । आज उनी उद्योगका शीर्ष कलाकारको सूचीमा परेका छन् । अक्षय एक वर्षमा ४–५ फिल्म दिएर सबैभन्दा धेरै कमाउने अभिनेता पनि बनेका छन् । अक्षयले सेप्टेम्बर ९ मा आफ्नो ५२ औं जन्मदिन मनाउने भएका छन् । आज हामी तपाईलाई उनको बाल्यकाल देखि बिहे सम्मका तस्विरहरु संग परिचय गराउछौ।
अक्षय कुमारको वास्तविक नाम राजीव हरि ओम भाटिया हो। बलिउडमा आउनुअघि उनले आफ्नो नाम परिवर्तन गरेका थिए । यद्यपि उनका नजिकका साथीभाइ र आफन्तले उनलाई राजीव भन्ने गर्छन् ।
अक्षय कुमारको जन्म अमृतसरमा भएको थियो । केही समय पुरानो दिल्लीमा बसेपनि त्यसपछि उनको सम्पूर्ण परिवार मुम्बई सर्यो । अक्षय कुमार मुम्बईको डन बोस्को स्कूलमा पढेका थिए।
अक्षयको स्कुलमा १० जना साथीहरूको समूह थियो जसलाई यी व्यक्तिहरूले ‘ब्लडी टेन’ नाम दिएका थिए। अक्षय कुमारसँग तेक्वान्दोमा ब्ल्याक बेल्ट छ। सानैदेखि अक्षयलाई मार्सल आर्टमा रुचि थियो । उनले कक्षा ८ देखि तालिम लिन थालेका थिए ।
अक्षयले फिल्ममा आउनुअघि बैंककमा ‘मुए थाई’ सिकेको पनि बताइएका छन् । यो थाइल्याण्डको एक कठिन मार्शल आर्ट हो जसमा स्ट्यान्डिङ स्ट्राइकहरू विभिन्न प्रविधिहरूद्वारा प्रदर्शन गरिन्छ।
अक्षयले बैंककमा शेफ र वेटरको काम पनि गरेका छन् । अक्षयले मार्सल आर्टमा आधारित डकुमेन्ट्री पनि आयोजना गरेका छन् । यस वृत्तचित्रको नाम ‘सेभेन डेडली आर्ट्स’ हो। यो डकुमेन्ट्री नेशनल ज्योग्राफिक च्यानलमा पनि प्रसारण भएको थियो ।
वास्तविक जीवनमा अक्षयलाई अनुशासन मन पर्छ । अक्षय हरेक बिहान ५ बजे उठ्छन् । 6 बजेदेखि ऊ आफ्नो काम सुरु गर्छ र सूर्यास्त हुनु अघि बेलुकाको खाना खान्छ। यो कुरा अक्षयले अन्तर्वार्तामा धेरै पटक उल्लेख गरेका छन् ।
अक्षय कुमारले सन १९९१ मा फिल्म ‘सौगन्ध’ बाट बलिउडमा डेब्यू गरेका थिए । यस फिल्ममा उनीसँगै राखी र शान्तिप्रिया मुख्य भूमिकामा थिए । भनिन्छ, अक्षय कुमारले सन १९९२ मा आएको फिल्म ‘जो जीता वही सिकन्दर’ मा दीपक तिजोरीको भूमिकाका लागि अडिसन दिएका थिए । तर, उनी छनोट हुन सकेका थिएनन् ।
