साताको राशिफल : भदौ १ गतेदेखि भदौ ७ गतेसम्म
मेष (चु, चे, चो, ला, लि, लु, ले, लो, अ)
यो हप्ता परिश्रम त धेरै गर्नुपर्ने देखिन्छ, तर त्यसको परिणाम भने अपेक्षाकृत कम हुनेछ। व्यापार पनि ढिलोढालो मात्र अघि बढ्नेछ। साताको मध्यतिर पेटसम्बन्धी समस्या आउन सक्ने भएकाले खानपानमा विशेष ध्यान दिनुहोस्। तत्काल ठूलो आर्थिक बचत हुने संकेत छैन।
वृष (इ, उ, ए, ओ, बा, बि, बु, बे, बो)
मनमा अलिकति डर वा असहजता महसुस भए पनि ठूलो क्षति हुने समय छैन। आत्मविश्वासमा केही कमी देखिए पनि पढाइमा मेहनत बढाए राम्रो उपलब्धि पाइनेछ। हालका दिनमा तपाईंलाई सघाउने भने परिवारका सदस्य र नजिकका साथी नै हुनेछन्।
मिथुन (का, कि, कु, घ, ङ, छ, के, को, ह)
खर्च बढे पनि हप्ता खराब छैन। साताको सुरु रमाइलो भेटघाट र कार्यक्रममा बित्नेछ। व्यवसायबाट सानो–सानो आर्थिक लाभ हुने संकेत छ। पढाइमा पनि प्रगति हुने देखिन्छ।
कर्कट (हि, हु, हे, हो, डा, डि, डु, डे, डो)
सुरुका दुई दिन खर्चिलो हुनेछन्, भोजभतेर वा सामाजिक कार्यमै खर्च बढ्नेछ। तर, व्यापार र व्यवसायमा भने नाफा लिन सकिनेछ। साथीहरूको साथ हाल कम देखिन्छ र वैवाहिक जीवनमा पनि सामान्य तनाव आउन सक्छ।
सिंह (मा, मि, मु, मे, मो, टा, टि, टु, टे)
यो हप्ता मध्यम खालको छ। मेहनत धेरै भए पनि त्यसअनुसारको लाभ प्राप्त हुनेछ। सकारात्मक कार्यतर्फ मन जानेछ तर सहयोगी पाउन भने कठिन हुनेछ। परिवारसँग केही असहमति हुने सम्भावना छ।
कन्या (टो, प, पि, पु, ष, ण, ठ, पे, पो)
सुरुका दिनमा कामहरू सजिलै बन्नेछन् र आर्थिक लाभ पनि हुनेछ। बुधबारदेखि भने अकस्मात् खर्च बढ्ने देखिन्छ। व्यापारमा नयाँ क्षेत्रमा लगानीको अवसर आउन सक्छ। भैरवको पूजा गरेमा अवरोधहरू हट्न सक्छन्।
तुला (र, रि, रु, रे, रो, ता, ति, तु, ते)
यो समय अलिकति चुनौतीपूर्ण छ। राम्रो काम गर्न खोज्दा पनि बाधा आउनेछ। नेतृत्व क्षमता ठीक भए पनि कूटनीतिक सीप देखिँदैन। जागिरमा अवरोध आउन सक्छ। पढाइ भने निरन्तर रहन्छ।
वृश्चिक (तो, ना, नि, नु, ने, नो, या, यि, यु)
सुरुका दुई दिनमा बाधा र असन्तोष बढ्नेछ। मद्दत गर्ने कम र आलोचना गर्ने धेरै हुनेछन्। सानोतिनो चोटपटक लाग्ने सम्भावना छ। मंगलबार गणेशको दर्शन गरी दुबो चढाउँदा समस्या कम हुन सक्छ।
धनु (ये, यो, भ, भि, भु, ध, फा, ढ, भे)
घुमफिर र यात्रा धेरै हुनेछन्, तर उपलब्धि भने न्यून हुनेछ। विरोध गर्ने मानिसहरू बढी हुने भएकाले संघर्ष गर्नुपर्नेछ। पढाइमा राम्रो प्रगति हुन्छ र खर्च पनि शिक्षातिर केन्द्रित हुनेछ। परिवारबाट सन्तुष्टि भने कम पाइनेछ।
मकर (भो, ज, जि, खि, खु, खे, खो, गा, गि)
वादविवाद र कठिनाइ बढ्ने भएकाले थकान महसुस हुनेछ। पढाइमा पूर्ण ध्यान दिन सकिने छैन। तर, साथीहरूको सहयोग मिलिरहनेछ। जागिरमा ठूला उपलब्धि तत्काल सम्भव देखिँदैन।
कुम्भ (गु, गे, गो, सा, सि, सु, से, सो, द)
हप्ता सामान्य रूपमा शुभ छ। अघिका समस्या बिस्तारै कम हुँदै जानेछन्। पारिवारिक समस्या पनि समाधानतर्फ उन्मुख हुनेछ। तर, सन्तानसम्बन्धी चुनौती भने रहिरहनेछ। गणेशको आराधनाले यसलाई कम गर्न सकिन्छ।
मीन (दि, दु, थ, झ, ञ, दे, दो, च, चि)
सुरुवातमा स्वास्थ्य समस्या आउन सक्छ तर सोमबारदेखि सुधार हुनेछ। आर्थिक कठिनाइलाई विस्तारै हटाउन सकिनेछ। बाह्य व्यापार वा बाहिरी स्रोतबाट फाइदा हुने सम्भावना छ।
