साउन २० गतेको पञ्चाङ्ग तथा राशिफल :
दिन : मंगलवार
तिथि : एकादशी, ११:३१ बजेपछि द्वादशी
नक्षत्र : ज्येष्ठा, १०:५७ बजेपछि मूल
योग : ऐन्द्र, ०८:०२ बजेपछि वैधृति
करण : भद्रा, ११:३१ बजेपछि वव, २४:११ बजेउप्रान्त वालव
मेष (चु, चे, चो, ला, लि, लु, ले, लो, अ)
दिन आर्थिक र व्यवसायिक दृष्टिकोणले अत्यन्तै सकारात्मक छ। आम्दानीका नयाँ स्रोतहरू फेला पर्ने सम्भावना छ, साथै दीर्घकालीन आर्थिक योजनाहरूको सुरुवात पनि गर्न सकिनेछ। शारीरिक र मानसिक स्वास्थ्य राम्रो रहनेछ। साथीभाइ तथा परिवारसँग समय बिताउन पाउँदा मन प्रफुल्लित हुनेछ। सामाजिक सञ्जाल विस्तार हुनेछ भने व्यापारमा पनि प्रगति हुने देखिन्छ। परोपकारी कार्यमा मन लाग्नेछ।
वृष (इ, उ, ए, ओ, बा, बि, बु, बे, बो)
तपाईंको सोचाइ फराकिलो बन्नेछ र तपाईंको बोलीले अरुलाई आकर्षित गर्नेछ। संवादमा तपाईंका विचारहरूलाई सम्मान दिइनेछ। लेखन वा अध्ययनतर्फ आकर्षण बढ्नेछ, विशेषगरी विद्यार्थीहरूका लागि दिन फलदायी देखिन्छ। यद्यपि मेहनतको अपेक्षाकृत कम फल मिल्ने सम्भावना रहे पनि निरन्तर प्रयासले राम्रो नतिजा ल्याउनेछ। पाचन प्रणालीमा समस्या देखिन सक्ने भएकाले खानपानमा सतर्कता आवश्यक छ।
मिथुन (का, कि, कु, घ, ङ, छ, के, को, ह)
नयाँ योजना प्रारम्भ गर्नका लागि शुभ समय हो। व्यवसायमा सरकारी लाभको योग छ भने जागिरे वर्गका लागि उच्च पदाधिकारीहरूको समर्थन प्राप्त हुने संकेत छन्। स्वास्थ्य राम्रो रहनेछ। लामो दूरीको यात्रा सम्भव छ। प्रतियोगीहरूबीच विजय प्राप्त हुने सम्भावना बलियो देखिन्छ।
कर्कट (हि, हु, हे, हो, डा, डि, डु, डे, डो)
व्यवसायमा सफलता मिल्नेछ, विशेषगरी सरकारी क्षेत्रबाट सहयोग प्राप्त हुन सक्छ। जागिरे वर्गका लागि वरिष्ठ अधिकारीहरूको समर्थनले अवसरहरू बढाउनेछ। मानसिक र शारीरिक रूपमा स्फूर्त महसुस गर्नुहुनेछ। लामो दूरीको यात्रा सम्भव छ। प्रतिस्पर्धीमाथि विजय प्राप्त हुनेछ।
सिंह (मा, मि, मु, मे, मो, टा, टि, टु, टे)
स्वास्थ्यमा कमजोरी अनुभव हुनसक्छ र मानसिक अशान्ति बढ्न सक्छ। नकारात्मक विचारले प्रभाव पार्न सक्छ। पारिवारिक वातावरण सहज नहुन सक्छ। विद्यार्थीहरूको ध्यान अध्ययनमा केन्द्रित नहुन सक्छ। अनैतिक विचार वा कामतर्फ नलाग्न सुझाव दिइन्छ।
कन्या (टो, प, पि, पु, ष, ण, ठ, पे, पो)
शारीरिक असजिलोपन र मानसिक चिन्ताले प्रभाव पार्न सक्छ। आँखासम्बन्धी समस्या आउन सक्छ। पारिवारिक सम्बन्धमा असमझदारी हुनसक्छ। खर्चमा वृद्धि देखिन्छ। कानुनी मामिलामा सचेत रहनु उपयुक्त हुनेछ।
तुला (र, रि, रु, रे, रो, ता, ति, तु, ते)
विविध क्षेत्रमा लाभ प्राप्त हुने संकेत छ जसले तपाईंलाई मानसिक रूपमा स्फूर्त बनाउनेछ। मित्रहरू वा आफन्तहरूसँग रमाइलो भेटघाट हुनेछ। पारिवारिक जीवनमा सुख र शान्तिको अनुभूति हुनेछ। प्रेम सम्बन्ध प्रगाढ हुनेछ र आयमा बृद्धि हुने सम्भावना बलियो छ।
वृश्चिक (तो, ना, नि, नु, ने, नो, या, यि, यु)
सकारात्मक उर्जा भरिएको दिन रहनेछ। हरेक काम सहज रूपमा सम्पन्न हुनेछ। पारिवारिक जीवनमा आनन्द र सन्तुष्टि रहनेछ। सामाजिक प्रतिष्ठा बढ्नेछ। व्यापार र पेसामा प्रगति हुनेछ। उच्च अधिकारीहरूको साथ सहयोग पाउनेछ। सन्तानको सफलताले गर्वको अनुभूति गराउनेछ।
धनु (ये, यो, भ, भि, भु, ध, फा, ढ, भे)
स्वास्थ्यमा थकान र अल्छीपन महसुस हुन सक्छ। मानसिक तनावले काममा ध्यान केन्द्रित गर्न कठिनाइ हुनसक्छ। यात्रामा अवरोध आउन सक्छ। सन्तान सम्बन्धी चिन्ता उत्पन्न हुनसक्छ। भाग्यले पूर्णरूपमा साथ नदिने सम्भावना छ, तसर्थ विवाद वा तर्क-वितर्कबाट जोगिनु उचित हुनेछ।
मकर (भो, ज, जि, खि, खु, खे, खो, गा, गि)
स्वास्थ्यप्रति सचेत रहनु पर्ने दिन हो। खानपानमा विशेष ध्यान दिनुहोस्, अन्यथा स्वास्थ्य गडबड हुन सक्छ। वृद्धजनको उपचार, प्रवास वा व्यवसायमा खर्च बढ्नेछ। नकारात्मक सोच र आवेगजन्य व्यवहारबाट टाढा रहनु नै राम्रो हुनेछ। पेशागत क्षेत्रमा केही प्रतिकूलता देखिन सक्छ।
कुम्भ (गु, गे, गो, सा, सि, सु, से, सो, द)
आत्मविश्वास उच्च रहनेछ र प्रेम सम्बन्धमा मिठास रहनेछ। विपरीत लिंगीहरूसँग मित्रता बन्ने सम्भावना छ। रमाइलो घुमघाम, स्वादिष्ट भोजन र नयाँ वस्त्रहरूको अनुभव हुने दिन हो। समाजमा प्रतिष्ठा र सम्मानमा बृद्धि हुनेछ।
मीन (दि, दु, थ, झ, ञ, दे, दो, च, चि)
घरको वातावरण सुखद र शान्त रहनेछ। आत्मविश्वास बढ्नेछ र दैनिक कार्यहरूमा सफलता प्राप्त हुनेछ। यद्यपि बोलचालमा सौम्यता अपनाउनु आवश्यक छ। स्वास्थ्य सामान्य रहनेछ, तर व्यवहारमा संयमता आवश्यक छ।
