साउन महिनामा बुध र शुक्र ग्रहको विशेष संयोगबाट एक लाभदायक योग बन्नेछ। ज्योतिषीय गणनाका अनुसार, साउन २ गते (जुलाई १८) बुध र शुक्रको लाभ दृष्टि योग बन्नेछ, जुन धेरै राशिहरूको लागि अत्यन्त शुभ र सौभाग्यवर्धक साबित हुन सक्छ।
वृष राशि
शुक्र यो राशिका स्वामी हुन् र बुधको प्रभावले पनि यस समयमा तपाईको लाभ भावलाई मजबुत बनाइरहेको छ। व्यापार, फेसन, कला, डिजाइन वा मिडियासँग सम्बन्धित व्यक्तिहरूलाई ठूलो फाइदा हुन सक्छ। प्रेम जीवनमा मिठास आउनेछ र धन आगमनका नयाँ स्रोतहरू खुल्न सक्छन्। अविवाहित व्यक्तिहरूका लागि यो समय मांगलिक कार्यहरूका लागि अनुकूल रहनेछ।
मिथुन राशि
बुध यो राशिका पनि स्वामी हुन्, र शुक्रसँग मिलेर यो संयोजनले सौन्दर्यबोध, सिर्जनात्मकता र व्यापारिक सीपलाई बढाउनेछ। मार्केटिङ, लेखन, कला वा संगीतसँग सम्बन्धित व्यक्तिहरूलाई विशेष लाभ मिल्नेछ। प्रेम जीवनमा सकारात्मक परिवर्तन आउन सक्छ, नयाँ सम्बन्ध सुरु हुन सक्छ।
कन्या राशि
बुध तपाईको राशिका स्वामी हुन् र शुक्रको साथ मिल्दा बुद्धि र वाणीमा प्रभाव वृद्धि हुनेछ। जागिरमा पदोन्नति वा अन्तर्वार्तामा सफलता प्राप्त हुने योग छन्। विदेश यात्रा वा उच्च शिक्षासम्बन्धी प्रयासहरू सफल हुन सक्छन्। यो समय नयाँ सुरुवात र व्यक्तिगत ब्रान्डिङका लागि उत्कृष्ट छ।
तुला राशि
शुक्र यो राशिका स्वामी हुन् र बुधसँग मिलेर व्यक्तित्वमा आकर्षण र सामाजिक सञ्जाल विस्तार गर्ने क्षमता बढाउँदैछन्। यस योगबाट व्यवसायिक लाभ र साझेदारीमा सफलता मिल्नेछ। विवाह योग्य व्यक्तिहरूका लागि उत्तम योग बन्दैछ।
कुम्भ राशि
बुध-शुक्रको यो योगले तपाईंको सिर्जनात्मकता, निर्णय क्षमता र आर्थिक स्थितिलाई बलियो बनाउनेछ। रोकिएको पैसा प्राप्त हुन सक्छ वा कुनै नयाँ डील फाइनल हुन सक्छ। प्रेम सम्बन्धहरूमा स्थिरता र करियरमा नयाँ दिशा प्राप्त हुने सम्भावना छ।
