काठमाडौं । राष्ट्रिय क्रिकेट टोलीका सदस्य दीपेन्द्रसिंह ऐरीले नेपाल प्रहरीको सेवाबाट राजीनामा दिएका छन् ।
प्रहरी सहायक हवल्दारको पदमा कार्यरत रहेका उनले केही दिनअघि औपचारिक रूपमा राजीनामा दिएका हुन् ।
उनको राजीनामा स्वीकृत भइसकेको नेपाल प्रहरीका केन्द्रीय प्रवक्ता डिआईजी विनोद घिमिरेले पुष्टि गरेका छन् ।
चीनमा सम्पन्न १९ औँ एसियाली खेलकुद (एशियन गेम्स) अन्तर्गत टि-२० क्रिकेटमा लगातार ६ छक्का प्रहार गर्दै विश्व कीर्तिमान बनाएका दीपेन्द्रलाई त्यस उपलब्धिपछि प्रहरी जवानबाट सहायक हवल्दारमा विशेष बढुवा गरिएको थियो ।
उनी २०८० सालको असोज महिनामा सहायक हवल्दार पदमा पदोन्नति भएका थिए ।
