वैदिक ज्योतिष शास्त्रको गणनाअनुसार, शुक्र ग्रह जेठ १७ मेष राशिमा प्रवेश गरेको छन्। यो गोचरलाई विशेष महत्वपूर्ण मानिएको छ। शुक्र ग्रह हाम्रो जीवनलाई सिधै प्रभाव पार्ने ग्रह हो। धन, भौतिक सुख–सुविधा र वैभवको कारक ग्रह भएकाले यसको गोचरको प्रभाव गहिरो हुन्छ।
शुक्रकै कारण मानिसको जीवनमा प्रेम, विलासिता, सौन्दर्य र आर्थिक समृद्धि आउँछ। तर, राशिगत रूपमा यसको प्रभाव फरक देखिन्छ। त्यसैले अब हेरौँ, यस शुक्र गोचरले कुन–कुन राशिका व्यक्तिहरूले विशेष सतर्कता अपनाउनु पर्नेछ।
मेष राशि
मेष राशि भएका व्यक्तिहरूले आफ्नो काममा कुनै पनि प्रकारको लापरवाही गर्नुहुँदैन। क्रोध र अहंकारबाट बच्नुपर्छ र सबैसँग विनम्रतापूर्वक व्यवहार गर्नु उपयुक्त हुनेछ। यो गोचरको समयमा धेरै रिस उठ्ने बानीका कारण तपाईंका पहिलेबाट मिलिसकेका कामहरू पनि बिग्रन सक्छन्।
वृष राशि
वृष राशि भएका व्यक्तिहरूले आफ्नो स्वास्थ्यप्रति विशेष ध्यान दिनुपर्छ। सहकर्मीहरूसँग मतभेद उत्पन्न हुन सक्छ। हाललाई कुनै प्रकारको लगानी नगर्नु उपयुक्त हुनेछ। नकारात्मक विचारहरूबाट टाढा रहनुहोस् र पूर्ण समर्पणका साथ आफ्नो काममा लाग्नुहोस्।
कर्कट राशि
कर्कट राशि भएका व्यक्तिहरूले कार्यक्षेत्रमा दबावको सामना गर्नुपर्ने हुन सक्छ। अधिक नाफा कमाउने प्रयास सफल नहुन सक्छ। खर्चमा वृद्धि हुन सक्छ, जसले भविष्यमा चिन्ताको विषय बन्न सक्छ।
कन्या राशि
शुक्रको गोचरले कन्या राशि भएका व्यक्तिहरूलाई व्यापारमा घाटा हुन सक्छ। व्यवहारमा सुधार ल्याउनुहोस् र कुनै पनि व्यक्तिसँग मतभेद बढ्न नदिनुहोस्। कसैलाई ऋण दिनबाट जोगिनुहोस्।
वृश्चिक राशि
वृश्चिक राशिका व्यक्तिहरूका सम्बन्धहरूमा समस्याहरू देखिन सक्छन्। लाभ कमाउने प्रयासमा बाधाहरू आउन सक्छन्। मानसिक तनावको सामना गर्नुपर्ने सम्भावना छ। साथै, स्वास्थ्य पनि कमजोर हुन सक्छ।
मकर राशि
शुक्र मकर राशिका व्यक्तिहरूको चौथो भावमा गोचर गर्नेछन्। यस गोचरको प्रभावले परिवारमा तनाव उत्पन्न हुन सक्छ। कार्यक्षेत्रमा प्रतिस्पर्धीहरूसँग टक्कर हुन सक्छ। जीवनसाथीसँग मतभेद वा विवादको सम्भावना पनि रहन्छ।
