काठमाडौँ : – यो महिना बैशाख ८ गते शुक्रबार दिउँसो १ बजेर ४० मिनेटमा बुध ग्रह मङ्गलको मेष राशिमा वक्री हुनेछ। बुध ग्रह वक्री हुँदा सबै १२ वटै राशिहरुसहित देश-दुनियाँमा यसको शुभ र अशुभ प्रभाव देखिनेछ। वास्तवमा कुनै पनि ग्रह वक्री हुँदैनन्, यो एक भ्रामक स्थिति हो। जस्तै, नजिकैको बस चल्दा हामीलाई हामी चढेको बस चलिरहेको झैं महसुस हुन्छ, ठिक त्यस्तै अवस्था हो।
• मेष राशि – चु, चे, चो, ला, लि, लु, ले, लो, अ (Aries) : –
मेष राशिमा बुध हुँदा मङ्गलको पनि प्रभाव देखिनेछ। मेष राशिमा बुधको उपस्थितिको अर्थ यस्तो व्यक्तिको व्यक्तित्व धेरै बलियो हुन्छ र विद्वान पनि हुन्छन्। तर यदि जन्मकुण्डलीमा बुध पीडित अवस्थामा छन् भने त्यसको फलस्वरूप ती व्यक्तिले ऋण र कैद भोग्नु पर्ने हुन्छ।
राजनीति र धर्म : – धार्मिक कार्यमा मानिसको रुचि बढ्नेछ। सरकारमा सङ्कट आउन सक्छ। विदेशी शक्तिले समस्या सिर्जना गर्नेछ। पक्ष-विपक्षबीच वाद विवाद बढ्नेछ।
व्यापार : – बुध वक्री हुँदा व्यापारको क्षेत्रमा मन्दी आउन सक्छ। उत्पादनमा ह्रास आउन सक्छ। विशेष गरी मनोरञ्जन र रचनात्मक कार्यहरूसँग सम्बन्धित व्यवसायहरू बिस्तारै बन्द हुने स्थितिमा आउँछन्।
जागिर : – रचनात्मक क्षेत्रमा गिरावट आउने सङ्केत छ। कलाकार, चित्रकार, सङ्गीत निर्देशक आदिले काममा केही बाधा र ढिलाइको सामना गर्नु पर्नेछ।