एजेन्सी : बलिउड अभिनेत्री अथिया शेट्टी र भारतीय क्रिकेटर केएल राहुल लामो समयदेखि एक-अर्कालाई डेट गर्दै आएका थिए। र केही समय अघिसम्म उनीहरुको विवाहको अफवाह फैलिएको थियो। र अन्तत: यी दुई विवाह बन्धनमा बाँधिने भएका छन्। भारतीय सञ्चारमाध्यमहरुका अनुसार सुनील शेट्टीकी छोरी अथिया शेट्टी र केएल राहुल सोमबार सात फेरा लगाउँदैछन्।
भारतीय मिडिया रिपोर्ट्स अनुसार अथिया शेट्टीको मेहन्दी आइतबार दिउँसो गरिएको छ र उनले भावी पति केएल राहुलको नामको मेहन्दी आफ्नो हातमा लगाईसकेकी छिन्। आइतबार नै अथिया र केएलको हल्दी र सङ्गीत पनि हुनेछ।
आइतबार रात्रि हुने सङ्गीत सेरेमोनीमा यस स्टार कपलका आफन्तजन तथा नाजिकका साथीहरुको उपस्थिति हुने जनाईएको छ। यस पार्टीमा लोकप्रिय बलिउड सिङ्गर मिका सिंहले परफर्मेन्स दिनेछन् र अन्य सेलिब्रेटीहरुको पनि बाक्लो उपस्थिति हुने अनुमान गरिएको छ।
