एजेन्सी- ‘पठान’ का निर्माताले पाइरेसी विरुद्धको निवेदन दिए पनि फिल्म रिलिज हुनुअघि नै अनलाइनमा लिक भएको छ। ‘पठान’ रिलिज हुनुभन्दा एक दिन अगाडि नै अनलाइन लिक भएको छ। शाहरुख खान र दीपिका पादुकोणको फिल्म १०० भन्दा बढी देशमा रिलिज हुँदैछ। पहिलो दिन फिल्मका लागि ५ लाख टिकटको अग्रिम बुकिङ भइसकेको छ।
अहिले भारतीय मिडियाको रिपोर्ट अनुसार पठान रिलिज हुनुभन्दा एक दिनअघि दुई वटा वेबसाइटमा लिक भएको थियो। चलचित्र (Filmyzilla) र (Filmy4wap) मा लिक भएको बताइएको छ। ‘पठान’ निर्माता यशराज फिल्म्सले दर्शकलाई फिल्म हलमा हेर्न र ठूला पर्दाबाट रेकर्ड गरिएको फुटेज लिक हुन नदिन सचेत गराएको छ।
फिल्म ‘पठान’ १०० भन्दा बढी देशहरूमा रिलिज हुने पहिलो भारतीय फिल्म हो। ट्रेड एना:लिस्ट तरण आदर्शका अनुसार ‘पठान’ १०० भन्दा बढी देशका २५ सयभन्दा बढी पर्दामा रिलिज हुनेछ। चलचित्रको अग्रिम बुकिङले पनि कीर्तिमान कायम गरेको छ।
अहिलेसम्म यशराजको यो स्तरमा कुनै पनि फिल्म रिलिज भएको छैन। कोरोनापछि बलिउडमा कालो बादल मडारिएको छ। गत वर्ष धेरै ठूला बजेटका फिल्म फ्लप भएका थिए। अब यो फिल्म ‘पठान’ ले भारतीय चलचित्र क्षेत्रमा राम्रा दिन ल्याउने अपेक्षा गरिएको छ।
