काठमाडौँ – नेपाली बजारमा आज सुनको मूल्य घटेको छ। मङ्सिर महिनाको अन्तिम दिन घटेको सुनको मूल्य पुस महिनाको पहिलो दिन पनि घटेको हो।
नेपाल सुन चाँदी व्यवसायी महासंघमा अनुसार नेपाली बजारमा आज छापावाला सुनको मूल्य तोलामा ४ सय रुपैंयाँले घटेको छ। आज छापावाला सुन ९९ हजार ९ सय रुपैंयाँमा कारोबार भइरहेको छ।
त्यस्तै आज तेजाबी सुनको मूल्य पनि नेपाली बजारमा ४ सय रुपैंयाँले नै घटेको महासंघले जनाएको छ। आज तेजाबी सुन तोलाको ९९ हजार ४ सय रुपैंयाँमा कारोबार भइरहेको छ।
यस अगाडी सुनको मूल्य बिहिबार तोलामा ७ सय रुपैंयाँले घटेको थियो। महासंघको तथ्यांक अनुसार आज कायम भएको सुनको मूल्य मङ्सिर २२ गते यताकै सस्तो रहेको छ।
यस साता सुनको मूल्य
यस साता छापावाला सुन घटीमा ९९ हजार ९ सय देखि १ लाख १ हजार रुपैंयाँमा कारोबार भयो। त्यस्तै तेजाबी सुन भने ९९ हजार ४ सय देखि १ लाख ५ सय रुपैंयाँ सम्ममा कारोबार भएको महासंघले जनाएको छ।
