काठमाडौँ – राष्ट्रिय स्वतन्त्र पार्टीलाई पाँचौ सफलता मिलेको छ। ललितपुर क्षेत्र नं. ३मा स्वतन्त्र पार्टीकी डा. तोसिमा कार्कीले जित हाँसिल गरेसँगै राष्ट्रिय स्वतन्त्र पार्टीले विजयी सिट संख्या ५ पुर्याएको हो।
कार्की निकटतम प्रतिद्वन्द्वी नेकपा एमालेका अमृत खड्कालाई १८ हजार १७३ मतान्तरले हराउँदै विजयी भएकी छ्न्। उनी ३१ हजार १३६ मतसहित विजयी भइन्। एमालेका खड्काले १२ हजार ९६३ मत प्राप्त गरे।
ऊर्जामन्त्रीसमेत रहेकी माओवादी उपमहासचिव पम्फा भुसाल भने धेरै पछि रहिन्। उनले ८ हजार ७६९ मत पाएकी छन्। उक्त क्षेत्रमा ६१ हजार ६७८ मत खसेको थियो।
