आजको चन्द्रग्रहण लाग्दैछ। अहिले सुतक अवधि सुरु भएको छ र सुतक अवधि नेपालभर मान्य हुनेछ। वर्षको अन्तिम चन्द्रग्रहण नेपालमा कार्तिक २२ गते साँझ ५:११ बजे देखि सुरु हुनेछ, मध्य ५:२७ मा हुनेछ भने साँझ ६:३४ मा समाप्त हुनेछ। यस्तो अवस्थामा चन्द्रग्रहणको सुतक अवधि बिहान ८:१६ बजेबाट सुरु भई ६:३४ बजे समाप्त हुनेछ। यो वर्षको अन्तिम चन्द्रग्रहण मेष राशिमा लाग्नेछ।
ज्योतिषशास्त्रमा चन्द्रग्रहणलाई अशुभ मानिन्छ। धार्मिक मान्यताका अनुसार चन्द्रग्रहणको समयमा केही कुरामा प्रतिबन्ध हुन्छ, त्यसैगरी ग्रहण सकिएपछि पनि धेरै कुराको ख्याल गर्नु आवश्यक हुन्छ।
ग्रहण सकिए लगत्तै के गर्ने ?
१. चन्द्रग्रहण सकिएपछि दान गर्नुपर्छ। ग्रहण सकिएपछि नुहाउनुपर्छ। यसका साथै खाँचोमा परेकालाई दान गर्नुपर्छ। यसबाहेक, तपाईंले ग्रहणको समयमा लगाएका लुगाहरू पनि दान गर्न सक्नुहुन्छ।
२. ग्रहण सकिएपछि पूजास्थलको सरसफाई गर्नुपर्छ। भगवानको मूर्तिलाई शुद्ध जलले सफा गर्नुपर्छ।
३. ग्रहण सकिएपछि विधिपूर्वक भगवानको पूजा–आराधना गर्नुपर्छ।
४. ग्रहण समाप्त भएपछि शुद्ध जल घरभर छर्किनुपर्छ।
५. चन्द्रग्रहण सकिएपछि घर सफा गर्नुपर्छ। ग्रहण सकिए लगत्तै घरमा झाडु लगाउनुपर्छ। भनिन्छ यसो गर्नाले घरको नकारात्मकता हट्छ।
६. चन्द्रग्रहण सकिएपछि गर्भवती महिलाले पहिले नुहाउने गर्छन्। धार्मिक मान्यता अनुसार गर्भवती महिलाले यसो नगर्दा गर्भमा रहेको बच्चालाई छालाको समस्या हुन सक्छ।
