एजेन्सी- धेरैलाई थाहा छैन होला बलिउड क्षेत्रमा यस्ता धेरै जोडी छन् जसको दुई सन्तानको उमेरमा खासै भिन्नता छैन । यी अभिनेता-अभिनेत्रीले पहिलो बच्चा जन्मेको एक वर्षभित्रै गर्भधारण गरे र छिट्टै दोस्रो पटक गर्भवती भएका छन् । यस सूचीमा देबिना बोनर्जी देखि मीरा राजपुत सम्म, नाम आउँछ । यहाँ हेर्नुहोस्…
टिभी अभिनेत्री देबिना बेनर्जीले छोरी जन्माएको झन्डै चार महिनापछि दोस्रो गर्भावस्थाको घोषणा गरेकी छन् । एक तस्बिर सार्वजनिक गर्दै देबिना र गुरमीतले गर्भावस्थाको घोषणाको गरेका छन् ।
कपिल शर्माकी श्रीमती अभिनेत्री भने होइनन् तर स्टार कमे:-डियन कपिलकी श्रीमतीले पनि दुई गर्भधारणमा खासै फरक पारेनन् । डिसेम्बर २०१९ मा, गिन्नीले छोरीलाई जन्म दिइन् र फेब्रुअरी २०२१ मा, जब उनकी छोरी मात्र एक वर्षकी थिइन्, तिनीहरूको एउटा छोरा भएको हो ।
यो सूचीमा हेमा मालिनीकी छोरी अभिनेत्री ईशा देओलको नाम पनि परेको छ । व्यवसायी भरत तख्तानीसँग विवाह गरेपछि ईशाले अक्टोबर २०१७ मा छोरीलाई जन्म दिइन् भने २०१९ मा छोरा जन्माइन् ।
