एजेन्सी : सामाजिक सञ्जालमा आजकल बलिउड अभिनेता सिद्धार्थ मल्होत्रा र अभिनेत्री कियारा आडवाणीको विवाहको विषय चर्चामा छ। भारतीय मिडिया रिपोर्ट्स अनुसार यो जोडी सन् २०२३ सम्म वैवाहिक बन्धनमा बाँधिनेछन्। दुवैजना फिल्म ‘शेरशाह’ मा सँगै देखिएका थिए। यद्यपि यी दुईको पहिलो भेट कियाराको सिरिज लस्ट स्टोरीजको र्याप-अप पार्टीमा भएको थियो। तर ‘शेरशाह’ पछि उनीहरुको रिलेशनशिपको खबरले चर्चा पायो।
योसँगै ‘कफी विथ करण’ मा पनि यो जोडीले एकअर्काप्रति दिलचस्पी देखाएका थिए। त्यसैले पनि यी दुईले छिट्टै विवाह गर्ने सम्भावना धेरै छ। यसैबीच हामी तपाईलाई ती सुन्दरीहरुका बारेमा बताउँछौँ, जसलाई सिद्धार्थले डेट गरेका थिए। यो सूचीमा चर्चित अभिनेत्रीहरुका नाम पनि समावेश छ।
आलिया भट्ट
आलिया भट्ट र सिद्धार्थ मल्होत्राले सँगै बलिउडमा डेब्यू गरेका थिए दुवैजना सन् २०१२ मा करण जोहरको फिल्म ‘स्टुडेन्ट अफ द इयर’ मा देखिएका थिए। त्यसपछि दुवैको प्रेम सम्बन्धको खबरले बलिउड ततायो। दुवैजना छिट्टै वैवाहिक बन्धनमा बाँधिने समेतको अफवाह फैलिएको थियो। यद्यपि दुई वर्षसम्मको प्रेमसम्बन्धपछि दुवैको ब्रेकअप भयो। पछि आलियाले रणवीर कपूरसँग विवाह गरिन्।
ज्याक्लिन फर्नान्डेज
श्रीलंकाकी ब्युटी क्वीन तथा बलिउड अभिनेत्री ज्याक्लिन फर्नान्डेज पनि सिद्धार्थ मल्होत्राको जीवनमा आएकी थिईन्। सन् २०१७ मा आएको फिल्म ‘अ जेन्टलम्यान’ मा यी दुई सँगै देखिएका थिए। भारतीय सञ्चारमाध्यमहरुका अनुसार फिल्मको सुटिङका क्रममा यी दुईको निकटता बढेको थियो। दुवैजना धेरैपटक सँगै देखिएका थिए। तर पछि दुवैजना आ-आफ्नो बाटो लागे।
कट्रिना कैफ
कट्रिना कैफको नाम बलिउडका धेरै हिरोसँग जोडिएको छ। यसमा सिद्धार्थ मल्होत्राको नाम पनि समावेश छ। दुवैजना सन् २०१६ मा फिल्म ‘बार-बार देखो’ मा सँगै देखिएका थिए। यसै क्रममा सिद्धार्थ र कट्रिना एकअर्काको एकदमै नजिक आएको खबर बाहिरिएको थियो। यी दुई एकअर्कालाई डेट गरिरहेका थिए। तर दुवैले सम्बन्धबारे कहिल्यै पोल खोलेनन्।
तारा सुतारिया
सन् २०१९ मा फिल्म ‘मरजावां’ आएको थियो, जसमा सिद्धार्थ मल्होत्रा र तारा सुतारिया मुख्य भूमिकामा थिए। समाचार अनुसार फिल्मको सुटिङका क्रममा दुवैले एकअर्कालाई मन पराउन थालेका थिए। यससँगै उनीहरुको डेटिङको खबर पनि आउन थाल्यो। तर दुवैले अहिलेसम्म पनि आफ्नो सम्बन्धबारे मुख खोलेका छैनन्।
निकोले मेयर
सिद्धार्थ मल्होत्रा यति ह्याण्डसम छन् कि बलिउड अभिनेत्रीहरु मात्र हैनन् विदेशी मोडेल तथा अभिनेत्रीहरु पनि उनीप्रति पागल हुन्छन्। तीमध्ये एक हुन् निकोले मेयर। उनी एक साउथ अफ्रिकन मोडेल हुन्। यस सुन्दर मोडललाई सिद्धार्थले धेरै महिनासम्म डेट गरेका थिए। तर पछि दुवैजना अलग भए।
