गर्भावस्थाको समयमा आमा बन्ने महिलाले विभिन्न समस्याको सामना गर्नुपर्ने हुन्छ । गर्भावस्थाको समयमा, शरीरमा आन्तरिक र बाह्य दुवै परिवर्तनहरू हुन्छन्। यस समयमा हुने समस्यामध्ये ओठ सुख्खा हुने समस्या पनि एक हो । गर्भवती हुनुहुन्छ र लगातार ओठ सुक्खा हुने र ओठ फुट्ने समस्याबाट दिक्क हुनुहुन्छ भने केही प्रभावकारी उपायहरू अपनाउन सक्नुहुन्छ। यी उपाय अपनाएमा, ओठलाई पर्याप्त मात्रामा नरम पन र पोषण प्राप्त हुनेछ जसले ओठको रातो र कोमलता कायम राख्नेछ।
चिनीको मलम
ओठ सुख्खा हुँदा ओठमा छालाको मृत कोशिकाको तह जम्मा हुन थाल्छ, जसका कारण ओठ अत्यधिक सुख्खा देखिन्छन् । यस्तो अवस्थामा, पहिले एक्स:-फोलि:-एटरको साथ ओठको हेरचाह सुरु गर्न सक्नुहुन्छ। एक चम्चा चिनी लिनुहोस् र यसमा मह मिलाउनुहोस्। यसलाई १ देखि २ मिनेटसम्म ओठमा हल्का रगडेर धुनुहोस् ।
घ्यु कुमारी
घ्यु कुमारी ओठको बिग्रिएको रङको लागि पनि प्रभावकारी हुन्छ, साथै यसले फुटेको ओठलाई निको पार्छ। एक चम्चा घ्यु कुमारीको जेल ओठमा लगाउनुहोस् र सुत्नुहोस्। दिनहुँ रातिमा लगाउने हो भने ओठ नरम हुन्छ ।
मह
मह यसको प्राकृतिक एन्टी-इन्फ्ले:-मेटरी गुणहरूको लागि परिचित छ। फुटेको ओठको घाउ निको पार्न यो प्रभावकारी हुन्छ । जैविक मह पनि प्रयोग गर्न सक्नुहुन्छ। यसलाई केही मिनेटको लागि ओठमा राख्न सकिन्छ। त्यसपछि सफा पानीले सफा गर्नु पर्दछ । तर यसलाई खानु भने हुँदैन ।
नरिवलको तेल
नरिवलको तेलले ओठलाई आवश्यक पदार्थ प्रदान गर्दछ। यसलाई १० देखि १५ मिनेटसम्म ओठमा लगाउनुहोस् । यसलाई दिनमा २ देखि ३ पटक प्रयोग गर्न सकिन्छ।
