आइतबारको दिन सूर्यको उपासनाको लागि निकै उत्तम दिन मानिन्छ, किनभने यो दिन सूर्य देवतालाई समर्पित रहेको छ । ज्योतिष शास्त्रका अनुसार कुनै पनि व्यक्तिको जीवनमा मान सम्मान सूर्य देवको कारणले नै प्राप्त हुने गर्दछ । यसका साथै रोजगारी–व्यवसायको वृद्धिमा पनि सूर्य देवको भूमिका महत्त्वपूर्ण छ ।
कुण्डलीमा सूर्य कमजोर हुँदा जीवनमा हुने अनेक प्रगति रोकिने मान्यता रहेको छ । साथ-साथै जीवनको सुख पनि बिस्तारै कम भएर जाने मान्यता रहेको छ । त्यसले आइतबार सूर्य देवको नाममा समर्पित भएको हुँदा आइतबारको दिन गरिने उपाय जीवनमा प्रगति र खुशी ल्याउन रामबाण साबित हुन सक्ने मान्यता रहेको छ ।
शुद्ध घिउको दियो
आइतबार साँझ घरको मुख्य ढोकाको दुवै छेउमा शुद्ध गाईको घ्यूको दीप प्रज्वलन गर्नाले माता लक्ष्मीले गृह प्रवेश गर्ने मान्यता रहेको छ । यसका साथै आइतबारको दिन शिव मन्दिरमा माता गौरी र भगवान शिवलाई रुद्राक्षको माला चढाउँदा धनकी देवी लक्ष्मीको कृपा प्राप्त हुन्छ । जसले जीवनमा खुशी ल्याउँछ ।
तुलसीको परिक्रमा
आइतबार ‘ओम नमो भगवते वासुदेवाय’ मन्त्र जप गर्दै ११ पटक तुलसीको बोटको परिक्रमा गर्नुहोस्। परिक्रमा गर्दा तुलसीलाई जल चढाउनुहोस् । यसो गर्नाले माता लक्ष्मीको कृपा प्राप्त हुन्छ । साथै पैसाको समस्या पनि समाधान हुन्छ ।
आदित्य हृदय स्तोत्र
घरमा सुख-समृद्धिको लागि आइतबार आदित्य हृदय स्तोत्रको पाठ गर्नुपर्छ। आइतबारको दिन कुनै पनि नयाँ काम सुरु गर्नुअघि मिठाई खाने र पानी पिउनु राम्रो मानिन्छ ।
