नोभेम्बर९ २००७ मा फराह खानको फिल्म ओम शान्ति ओम पर्दामा आएको थथियो र यो फिल्म हिट फिल्म साबित भएको थियो। यही फिल्मबाट दीपिका पादुकोणले डेब्यु गरेकी थिइन्, जो अहिले बलिउडकी नम्बर एक हिरोइन हुन्। फिल्ममा नायक शाहरुख खान थिए, जसको तीन वर्षसम्म फिल्म नगरेर पनि शासन चलिरहेको छ र अहिले पनि छ ।
यस चलचित्रमा चलचित्रको कथा देखाइएको छ, जसलाई दर्शकले निकै रुचाएका छन् । साथै फिल्ममा फराह खानले थुप्रै बलिउड कलाकारलाई राखेकी थिइन्। सलमान खान, संजय दत्त, गोविंदा, प्रियंका चोपड़ा, रानी मुखर्जी, काजोल, प्रीति जिंटा सहित थुप्रै कलाकार यस फिल्ममा थिए। यधपी फराह सलमान , शाहरुख र आमिरलाई एकसाथ देख्न चाहन्थिन्।
फराहले सलमानलाई एक झलकको लागि उपस्थित हुन भनेकी थिइन् र सलमान मानेका पनि थिए। तर आमिरले आफ्नो शुटिंग छ भनेर उपस्थित भएका थिएनन। शाहरुख र सलमानलाई पर्दामा देखेर दर्शकले निकै रुचाएका थिए।यस फिल्ममा बलिउडका सबै कलाकार उपस्थित थिए।
यस फिल्ममा ६२ जना बलिउडका चर्चित कलाकार उपस्थित थिए। यो फिल्मको जति तारिफ भएपनि विवादित फिल्म पनि बनेको थियो। फेशन र कर्पोरेट फिल्मको लेखकले फिल्म हेरेपछि बम्बे हाईकोर्टमा स्क्रिप्ट चोरेको भनेर आरोप लगाईएको थियो।
