मानिसहरुले सामान्यतया लक्ष्मीले सराप दिनु भयो, कृपा गरिनन्, त्यसैले पैसा बचत नभएको, खर्च मात्र भएको, अधिक मिहिनेत पश्चात पनि आर्थिक उन्नति नभएको लगायतका कुराहरु गरिरहेका हुन्छन । यदि परिवारमा शुख-शान्तिको वातावारण बनिरहेको छ भने घरमा लक्ष्मीको निवास रहेको भनेर बुझिन्छ । लक्ष्मीको निवास घरमा हुनका लागी मुख्यद्वारमा वास्तुशास्त्रको भूमिका छुट्टै रहेको छ । वास्तुशास्त्र अनुसार घरको भाग्य प्रवेशद्वारमा लेखिएको हुन्छ र त्यसको असर घरमा बस्ने मानिसहरुलाई पर्ने गर्दछ । त्यसैले घर बनाउदा र किन्दा मुख्यद्वारसँग सम्बन्धित केहीकुराहरु ध्यान दिन आवश्यक रहेको छ ।
१) घरको मुख्यद्वार दक्षिण या पश्चिम दिशातर्फ हुनुहुदैन । पुर्व या उत्तर दिशामा मुख्यद्वार हुनु वास्तुको दृष्टिले सबैभन्दा उत्तम मानिन्छ ।
२) यदी कुनै घरमा दुईवटा बाहिरीद्वार रहेको छ भने दुवै गेट एक-अर्को को सामुन्ने छ या छैन भन्ने कुराको ध्यान दिन जरुरी रहेको छ । यदि छ भने जति छिटो धन लाभ हुन्छ त्यतिनै छिटो धन खर्च पनि हुन्छ ।
३) मुख्यद्वार कहिले पनि बीचमा हुनु हुदैन । वास्तुशास्त्र अनुसार जुन पर्खालसँग मेन गेट बनाउन चाहानु हुन्छ उक्त पर्खाललाई नौ भागमा छुट्याउनुहोस । त्य पछि घरमा प्रवेश गर्ने दिशाबाट बायातर्फ पाँच भाग र दायाँतर्फ ३ भाग छोडेर मुख्यद्वार बनाउनुहोस् । यसले प्रवेश ठुलो हुन्छ निकास छोटो हुन्छ । यसो हुनाले धन लाभ धेरै र छिटो हुन्छ भने खर्च कम हुने विश्वास रहेको छ ।
४) मुख्यद्वारको अगाडि मन्दिर, वृक्ष, कुवा, स्तम्भ हुनु हुदैन । यसलाई ‘वास्तु वेध’ भनिन्छ जसले लक्ष्मीको प्रवेशमा बाधा पुर्याउने काम गर्दछ । वास्तुशास्त्रको अनुसार भवनको उचाईबाट २ गुणा टाढासम्म यस्ता वस्तु हुनुहुदैन । यी वस्तु अगाडि भए वास्तु-वेधले काम नगर्ने बताईएको छ ।
