एजेन्सी, संसारमा यस्ता बाबु कमै मात्र होलान् जो आफ्नो सन्तानको लागि जस्तो सुकै कठिनाई भोग्न तयार हुन्छन । चीनको हुबेई क्षेत्रमा सार्वजनिक भएको हृदय स्पर्शी एक सत्य घटना अहिले चर्चाको विषय बनेको छ ।
एक चाइनीज वेबसाईटले लिएको अन्तर्वार्तामा ४९ वर्षका होउ यनवेइ नामका बाबुले भने ‘म एक सडक सफाइ गर्ने मजदुर हु । मेरो ११ वर्षकी एक छोरी छिन्, उनको नाम जिनजिन हो ।’ यनवेइका अनुसार उनको छोरीको ४ वर्षदेखि नै जिम्नाष्टिकमा रुची थियो । तर उनको इच्छा पूरा गर्नका लागि आफुसँग पैसा नभएको बताए । जिनजिनकी आमासँग छोड्पत्र भैसकेको र छोरी प्रतीको सम्पूर्ण जिम्मेवारी आफ्नो काधमा रहेको हुने बताए । उनको मासिक आम्दानी २ हजार युआन रहेको छ । जसमा ३ सय युआन घरको भाडा, छोरीको ट्युसन शुल्क वर्षको १४ हजार युआन लाग्ने र अन्य पकेट खर्च ३ हजार जती लाग्ने गर्छ ।
यनवेइका अनुसार आफ्नो कमाईले मात्रै छोरीको सपना पुरा गर्न सम्भव नभएपछि आफुले निकै कम खर्च चलाएर छोरीको लागि पैसा जोगाउने गरेको बताए । उनले पछिल्लो सात वर्षसम्म चाउचाउ मात्र खाएर जिन्दगी गुजारिरहेका छन् । उनकी अहिले छोरीले वुहान इन्स्टिच्यूट अफ फिजिकल एजुकेसन पढ्दै र तालीम पनि गरिरहेकी छिन् । उनको सपना छोरीलाई अब्बल जिम्नाष्ट बनाएर एक उत्कृष्ट जिन्दगी प्रदान गर्ने हो। त्यसको लागि आफु जे पनि गर्न तयार छु भन्दै उनि भावुक भए ।
यो घटनावाट के पुस्टि हुन्छ भने संसारमा अझै यस्ता महान पिताहरु छन् जो आफ्नो सन्तानको खुसीका लागि आफ्नो इच्छाको बलिदान दिन सक्छन् । हो यसको उदहारण भन्ने होउ यनवेइ बनेका छन्।
