एजेन्सी, चीनको शाङ्सी प्रान्तमा रहेको करीब पन्ध्र सय वर्ष पुरानो यो मन्दिर पहिलो पटक देख्दा मन् झसङ्ग हुने गर्दछ। यो मन्दिर पर्यटकिय हिसाबले निकै नै महत्वपूर्ण र अनौठो आकर्षणका रुपमा रहेको छ । यो मन्दिर १५०० वर्ष पुरानो र ऐतिहासिक भएकोले गर्दा चीनमा यसको छुट्टै विशेषता रहेको छ।
पहाडको काखमा अप्ठ्यारोसँग टेको लगाएर उभ्याइएका यो मन्दिर हावाले हल्लाएर लडाउँला जस्तो देखिन्छ। तर यो विशेष प्रकारको बलियो र लच्किलो काठबाट बनाईएको हुनाले लामो समयदेखि नलडिकन बसेको छ । यो मन्दिर बिशेष गरि बौद्ध, ताओ र कन्फ्युसियसको स्थापत्य शैलीको मिश्रण गरि बनाईएको छ। यसले चीनको इतिहास र परम्परा झल्काउने गर्दछ।
