एजेन्सी – केटिहरु फेसियल गर्नको लागि धेरै पैसा र समय खेर फाल्ने गर्छन् । सौन्दर्य प्रशाधनमा विभिन्न किसीमका रसायनहरु प्रयोग भएका हुन्छन् । यस किसीमका रसायनहरुको प्रयोगले अनुहारमा नकारात्मक असर पुग्ने हुन्छ ।
आज हामी तपाईंलाई प्राकृतिक रुपमा फेसियल गर्ने विधिको बारेमा जानकारी दिन्छौं । यसको लागि तपाईंले निम्न ४ चरणहरु पुरा गर्नुपर्ने हुन्छ ।
पहिलो चरण – क्लिनिङग
आवश्यक सामाग्रीहरु गुलाबजल
चिसो पानी
२ चम्चा दुध
विधि: सबैभन्दा पहिला कपासलाई गुलाबजलमा भिजाई अनुहारलाई सफा गर्नुहोस् । त्यसपछि दुधलाई अनुहारभरि दल्नुहोस् । सुकिसकेपछि चिसो पानीले मुख धुनुहोस् ।
चरण २ स्क्रबिङ्ग
आवश्यक सामाग्री २ चम्चा चीनी
१ चम्चा जैतुन वा नरिवलको तेल
१ वटा ठूलो कागतीको रस
विधि: माथिका सबै सामाग्रीहरुलाई मिसाउनुहोस् । र गोलाकार रुपमा अनुहारभरि लगाउनुहोस् ।
चरण ३ – स्टिमिङ्ग: रुमाललाई तातो पानीमा भिजाउनुहोस् । रुमाललाई निचोरेर पानीलाई बाहिर फ्याँक्नुहोस् । रुमाललाई अनुहारमा ४–५ मिनेटसम्म राख्नुहोस् ।
चरण ४ – अनुहारमा मास्कको प्रयोग
आवश्यक सामाग्री: मह
कागतीको रस
विधि: मह र कागतीको रसलाई बराबर मात्रामा मिसाउनुहोस् । यसलाई अनुहारभरि लगाउनुभई २० मिनेटसम्म त्यसै छोड्नुहोस् । र मुख धुनुहोस् ।
