एजेन्सी – ९ महिना कोखमा राखी बच्चा जन्माउँदा महिलालाई धेरै नै पिडाको महशुश हुने गर्छ । त्यसैले बच्चा जन्माउनु महिलाको लागि सजिलो काम पक्कै पनि होइन । तर एउटा महिलाले ६९ वटा बच्चा जन्माएका कुरा सुन्दा हामी सबैलाई अचम्म लाग्छ ।
प्यालेस्टाइनमा ६९ औं बच्चा जन्माए लगत्तै एउटा महिलाको मृत्यु भएको छ। उक्त महिलाको उमेर ४० वर्ष थियो । उनको मृत्युको खबर ती महिलाका श्रीमान गाजा अल इनले दिएका छन् ।
उनी संसारकी सबैभन्दा धेरै प्रजनन क्षमता भएकी महिला हुन् । तर उनको नाम गिनिज बुकमा भने छैन । उनले ६९ बच्चा जन्माएको दाबी गरिएको भएपनि आधिकारिक पुष्टि हुन बाँकी नै छ ।
विश्वमा अहिलेसम्म धेरै बच्चा जन्माउने महिलाको रुपमा रुसकी भ्यासिलेभाको नाम गिनीज बुकमा छ । उनले पनि ६९ वटा बच्चा जन्माएकी छिन् ।
