महिलाहरुको सौन्दर्यतालाई कपालले झल्काउँछ । सबै महिलाहरु आफ्नो कपाललाई सुन्दर तथा आर्कषक बनाउन चाहन्छन् । लामो तथा बाक्लो कपाल बनाउनको लागि महिलाहरु धेरै मेहेनत गर्छन् । आज हामी तपाईंलाई एकदमै लामो कपाल भएकी महिलाको बारेमा जानकारी दिन्छौं । उनको कपाललाई देखेर सबैजना आश्चर्यचकित भएका छन् ।
अमेरिकाको फ्लोरिडामा बसोबास गर्ने आशा मण्डेलाको कपाल ५५ फिट लामो छ । उनको कपालको तौल २० किलो छ । उनलाई नुहाउनको लागि एक पटकमा ६ बोतल स्याम्पु आवश्यक पर्छ । त्यसैगरी कपाललाई सुकाउन मात्रै उनलाई दुई दिन लाग्छ । तर काम झन्झटिलो भएपनि कपालकै कारणले गर्दा उनले विश्व किर्तिमान पाउन सफल भएकी छिन् ।
संसारकै लामो कपाल भएकी महिलाको रुपमा उनले गिनिज बुकमा आफ्नो नाम लेखाएकी छिन् । यसका साथै कपालकै कारणले गर्दा उनले हेयर प्रडक्ट्स तथा एसेसरिजको विज्ञापनमा अभिनय गर्ने अफर पाएकी छिन् । जस्बाट उनको राम्रो कमाई भएको छ ।
