मुक्तक नं १
आजकाल सारै सताउछ कालेको मायाले
भर्खर भर्खर सुरु हुन थालेको मायाले
भर पनि लाग्छ डर पनि लाग्छ मलाई कतै ,
अलपत्रै पार्ने हो कि नौजालेको मायाले
मुक्तक नं २
आजै गर भोलि कुरा होला नहोला
देखेका सपना पुरा होला नहोला
लिएका संकल्प, संगै तिम्रो नाउको,
सिरमा सिन्दुर हातमा चुरा होला नहोला
मुक्तक नं ३
कसैको झुठो मायामा फस्दिन भन्दा भन्दै
जाली झेली दिलमा बस्दिन भन्दा भन्दै
खै ? कसरी नजिकिन पुगेछु म तिमी संग,
बेर्थ्यै रुन प्रेम डोरी कस्दिन भन्दा भन्दै
कञ्चन काफिया
बीरबास, गुल्मी
