मेष राशि – चु, चे, चो, ला, लि, लु, ले, लो, अ (Aries) :
आइतबार र सोमबार त्यति राम्रा छैनन् । बाँकी दिन भने प्रशस्त सुध्रिएका देखिन्छन् । खर्चको मात्रा त्यति नघटे पनि गरेको काममा सफलता मिल्ला र मन प्रसन्न होला । व्यवसायसम्बन्धी काममा सानातिना बाधा आइरहनेछन् । यसलाई निराकरण गर्न नारायणको दर्शन गर्नुहोस् ।
वृष राशि – इ, उ, ए, ओ, बा, बि, बु, बे, बो (Taurus) :
सुध्रिएको साता छ । पूर्वाद्र्ध राम्रो खालको देखिन्छ । गरेको काममा सफलता मिल्नुका साथै सम्मान प्रतिष्ठामा आएको ह्रास पनि घट्दै जाला । मित्रको सहयोग सोचेको जस्तो पाइन्न । पछाडि बसेर तपाईंले गरेको काममा बाधा हाल्ने धेरै छन् ।
मिथुन राशि – का, कि, कु, घ, ङ, छ, के, को, ह (Gemini) :
सातालाई राम्रो खालको भन्नुपर्छ । गरेका काममा सफलता नै धेरै मिल्नेछ । काम गर्ने जोश कत्ति पनि हराएको छैन । व्यावसायिक कामबाट मनग्गे लाभ हुनेछ । पढाइ र लेखाइमा सामान्य प्रगति होला । जागिरतिरबाट भने त्यति सन्तुष्टि देखिन्न ।
कर्कट राशि – हि, हु, हे, हो, डा, डि, डु, डे, डो (Cancer) :
शनिबारको दिनमा स्वास्थ्यसम्बन्धी समस्या आएर मन खिन्न होला । आइतबारदेखि त्यसमा सुधार हुनेछ । अलिकति खर्च गरेपछि आँटेका काम पनि बन्नेछन् । साहस कत्ति पनि घटेको छैन । बाधा दिनेहरू भए पनि हाल तिनीहरूको पराजय नै हुने देखिन्छ ।
सिंह राशि – मा, मि, मु, मे, मो, टा, टि, टु, टे (Leo) :
सोमबार र मङ्गलबार त्यति राम्रा छैनन् । स्वास्थ्यमा गडबडी होला । बाँकी दिन भने सामान्य खालका छन् । खर्चमा नियन्त्रण आउन गाह्रो छ । व्यावसायिक कामबाट केही फाइदा नै लिन सक्नुहुनेछ । कूटनीतिक प्रतिभा भने त्यति देखिन्न । गणेशको दर्शन गरिरहनुहोस् ।
कन्या राशि – टो, प, पि, पु, ष, ण, ठ, पे, पो (Virgo) :
पूर्वाद्र्ध राम्रो खालको छ । गरेका काममा सफलता मिल्ला तर मङ्गलबारदेखिका दिनहरू त्यति राम्रा देखिन्नन् । मानसिक र भौतिक दुइटै समस्यासित जुध्नुपर्नेछ । आर्थिक स्थिति त्यति सप्रने देखिन्न । अनेकौँ परिबन्ध परेर सञ्चित धनमा क्षति होला ।
तुला राशि – र, रि, रु, रे, रो, ता, ति, तु, ते (Libra) :
यो सातालाई राम्रो रूपमा लिन सकिन्छ । सुरुका दिनमा भोजभतेरहरू पर्नुका साथै इष्टमित्रसँग भेटघाट भइरहला । नजिकका नातेदारभन्दा टाढाका मित्रबाट विशेष सहयोग पाउनुहुनेछ । बिहीबारसम्म केही न केही आर्थिक लाभ भए पनि शुक्रबारको दिनमा बढी खर्च होला ।
वृश्चिक राशि – तो, ना, नि, नु, ने, नो, या, यि, यु (Scorpio) :
शनिबारको दिनमा ज्यादै खर्च गर्नुपर्नाले मन खिन्न होला । आफ्नै खर्चले भोजभतेरहरू गर्नुपर्नेछ । काम बनाउनका लागि मित्र सत्कारको बढी आवश्यकता देखा पर्छ । साताको अन्त्यतिर त्यसको राम्रो परिणति पनि देख्न पाउनुहुनेछ । भगवतीको आराधना गरिरहनुहोस् ।
धनु राशि – ये, यो, भ, भि, भु, ध, फा, ढ, भे (Sagittarius) :
शनिबारको दिनमा सामान्य किसिमको लाभ गर्नसके पनि आइतबार र सोमबार भने मनग्गे खर्च हुनेछ । सही काममा भन्दा पनि फस्याङफुसुङ काममा बढी खर्च गर्नुपर्नाले मन त्यति खुसी हुने छैन । पढाइमा लगाएको श्रम खेर जाने छैन । व्यावसायिक कामबाट राम्रो लाभ होला ।
मकर राशि – भो, ज, जि, खि, खु, खे, खो, गा, गि (Capricorn) :
पहिलेको जस्तो समस्याग्रस्त समय छैन । बाधा र सङ्कट बिस्तारै घटेर जानेछन् । बौद्धिक क्षमता पनि पहिलेको तुलनामा सप्रिएर आएको छ । नेतृत्व शक्तिमा विकास होला । गणेशको आराधना गरिरहनाले विपक्षीमाथि विजय नै पाउनुहुनेछ ।
कुम्भ राशि – गु, गे, गो, सा, सि, सु, से, सो, द (Aquarius) :
यो सातालाई राम्रो रूपमा लिन सकिन्छ । असल काम गर्नेतिर मनको प्रवृत्ति जाला भने गरेको काम सफल पनि हुनेछ । आर्थिक स्थिति राम्रो खालको छ । व्यावसायिक कामबाट मनग्गे लाभ होला । नोकरीतिरबाट भने पूर्ण सन्तुष्टि हुने बेला छैन ।
मीन राशि – दि, दु, थ, झ, ञ, दे, दो, च, चि (Pisces) :
शनिबारको दिनमा मनलाई खिन्न पार्ने खालको कुनै घटना हुनसक्छ । त्यसलाई निराकरण गर्न बिहानै शिवजीको दर्शन गर्नुहोस् । आइतबारदेखिका बाँकी दिन राम्रा खालका छन् । हातले समातेको व्यवसायबाट धेरै नभए पनि केही न केही लाभ गर्नुहुनेछ ।
• ज्योतिषाचार्य दामोदरनाथ लोहनी
