मेष राशि – चु, चे, चो, ला, लि, लु, ले, लो, अ (Aries) :
मनमा रहेको भय हटेर काम गर्ने हौसला बढ्ला । साताको बीचमा स्वास्थ्यसम्बन्धी समस्या परे पनि त्यसको निराकरण चाँडै नै हुनेछ । पढ्न र लेख्नतिर पहिलेभन्दा गति बढ्ला । रिस गर्नेहरू भने बढी नै छन् । त्यसलाई साम्य पार्न गणेशको आराधना गरिरहनुहोस् ।
वृष राशि – इ, उ, ए, ओ, बा, बि, बु, बे, बो (Taurus) :
पहिलेको तुलनामा साता धेरै नै राम्रो छ । मङ्गलबारसम्मका दिनहरू सफलताकारक छन् । अलिकति खर्च बढे पनि राम्रो काममा नै हुनाले खास पिरलो पर्ने छैन । शिक्षाको क्षेत्रमा उल्लेखनीय प्रगति हुनेछ । प्राविधिक दक्षतासमेत हाललाई उत्कृष्ट रूपमा हुनेछ ।
मिथुन राशि – का, कि, कु, घ, ङ, छ, के, को, ह (Gemini) :
साताको सुरुमै मित्रहरूसँग भेटघाट हुनुको साथै केही गतिला काम हुनेछन् । आर्थिक स्थिति त्यति नराम्रो छैन । खर्च नघटे पनि आयको स्रोत बलियो हुनाले खास पिर मान्नुपर्ने छैन । व्यापारसम्बन्धी काममा भने सोचेकोजति प्रगति हुने देखिन्न।
कर्कट राशि – हि, हु, हे, हो, डा, डि, डु, डे, डो (Cancer) :
शनिबारको दिनमा खर्च बढी होला । आइतबारदेखि मङ्गलबारसम्म ठोस कामभन्दा मनोरञ्जनको कामले नै बढी समय लिनेछ । साथीहरू खर्च गराउनेखालका मात्रै छन् । विवाहसम्बन्धी कुरा पनि हाललाई अल्मलिन सक्छ । देवीको दर्शन गरिरहनुहोस् ।
सिंह राशि – मा, मि, मु, मे, मो, टा, टि, टु, टे (Leo) :
मध्यमखालको साता छ । केही गतिला काम बन्नेछन् भने कुनै बन्न–बन्न लागेका काम पनि अल् ́नेछन् । व्यापारसम्बन्धी काममा बढी परिश्रम पर्ला । खर्च घट्नेतिर देखिन्न । प्राविधिक किसिमको काममा भने राम्रै प्रगति हुनेछ ।
कन्या राशि – टो, प, पि, पु, ष, ण, ठ, पे, पो (Virgo) :
मनमा डर त लागिरहला तर त्यसले खास बिगार गर्ने छैन । पहिले भएको निराशा क्रमशः घटेर जाला । व्यापार र व्यवसायमा आंशिक भए पनि प्रगति नै हुनेछ । मित्रहरूबाट भने त्यति ठूलो सहयोग पाइने छैन । प्रेमको क्षेत्रमा समेत हाल सफलता देखिन्न।
तुला राशि – र, रि, रु, रे, रो, ता, ति, तु, ते (Libra) :
यो सातालाई राम्रो रूपमा लिन सकिन्छ । असल काम गर्नतिर मनको प्रवृित्त जाला त गरेका काम बन्ने पनि छन् । आयको स्रोत बलियो भएर आएको छ । मित्रहरूबाट राम्रै सहयोग पाउनुहोला । महिला मित्रहरूले तपाईंको प्रगतिमा पूरा साथ दिनेछन् ।
वृश्चिक राशि – तो, ना, नि, नु, ने, नो, या, यि, यु (Scorpio) :
सुरुको दिन त्यति राम्रो छैन । त्यसैले शनिबारको दिनमा ठूलो रकमको लेनदेन नगर्नुहोस् । आइतबारदेखि भने सामान्यखालको प्रगति हुनेछ । पढ्नुपर्ने काममा अनेकौँ बाधा तेर्सिनेछ । आफ्नोमात्र नभएर परिवारको स्वास्थ्यले समेत खर्च गराउला।
धनु राशि – ये, यो, भ, भि, भु, ध, फा, ढ, भे (Sagittarius) :
बढी दौडधुप गर्नुपर्ला । परिश्रमअनुसारको फल मिल्न गाह्रो छ । आइतबारदेखि मङ्गलबारसम्मका दिनमा स्वास्थ्यमा समेत बाधा आउन सक्छ । त्यसलाई निराकरण गर्न सूर्य र गणेशको आराधना गरिरहनुहोस् । शिक्षाको क्षेत्रमा सामान्यमात्र प्रगति छ।
मकर राशि – भो, ज, जि, खि, खु, खे, खो, गा, गि (Capricorn) :
यो साताका अधिकांश दिनहरू तपाईंका लागि प्रेरक छन् । विरोध गर्नेहरू भए पनि त्यसलाई परास्त गर्न सक्नुहुनेछ । पढाइ, लेखाइतिर प्रगति नै गरिएला । अरूलाई प्रभाव पार्न सक्ने शक्ति वाणिमा छ । साताका पछिल्ला दिन भने त्यति राम्रा देखिन्नन् ।
कुम्भ राशि – गु, गे, गो, सा, सि, सु, से, सो, द (Aquarius) :
पहिलेको जस्तो जटिलता छैन । आएका बाधा र विरोधलाई सामना गर्न सक्नुहुनेछ । रिस गर्ने विरोधी भए पनि तिनीहरूसँग सामना गर्न सक्ने क्षमता आउनेछ । पारिवारिक सन्तोष भने त्यति देखिन्न । विवाह एवम् प्रेमसम्बन्धी कुरामा अड्चन आइरहला ।
मीन राशि – दि, दु, थ, झ, ञ, दे, दो, च, चि (Pisces) :
साता मध्यमखालको छ । मानप्रतिष्ठा बढ्लाजस्तो छैन । बरु रिस गर्नेहरू भने बढी नै रहनेछन् । व्यापार र हातले समातेको व्यवसायले मात्र तपाईंलाई साथ देला । पढाइ एवम् ज्ञान सिक्ने क्षेत्रमा अलिअलि मात्रै प्रगति हुनेछ । बङ्गलामुखीको आराधना गरिरहनुहोस्।
– ज्योतिषाचार्य दामोदरनाथ लोहनी
