एजेन्सी : बलिउड अभिनेत्री कियारा आडवाणीले कम समयमै आफ्नो पहिचान बनाएकी छिन्। हालै उनी एक म्यागजिनको कभर पेजमा देखिएकी थिईन्, जसमा उनको फोटोशूट भाईरल भएको थियो। कियाराले यस फोटोशूटसँगै म्यागजिनलाई एक अन्तर्वार्ता पनि दिएकी छिन्। अन्तर्वार्ता क्रममा उनले धेरै कुराहरु खोलेकी छिन्।
कियारालाई अहिलेसम्म सबैभन्दा राम्रो सुझाव कसले दिएको थियो भनेर सोध्दा उनले सलमानले दिएको बताएकी थिईन्। सलमानले उनलाई कडा मेहनत गर्न र आफ्नो कामलाई बोल्न दिनुपर्ने सल्लाह दिएको बताईन्।
जब कियाराले बलिउड इन्ड्स्ट्रीमा कदम राखिन्, तब सलमानले नै उनलाई नाम परिवर्तन गर्न सुझाव दिएका थिए। वास्तवमा कियाराको वास्तविक नाम आलिया आडवाणी हो। बलिउड इन्ड्स्ट्रीमा आलिया नामको आलिया भट्ट पहिले देखि नै थिईन्।
यसकारण सलमानले कियारालाई आफ्नो नाम बदल्न सुझाव दिएका थिए। कियाराले सलमानको सुझाव मानिन्। कियाराले सन २०१४ मा रिलिज भएको फिल्म ‘फगली’ बाट बलिउडमा डेब्यु गरेकी थिईन्।
त्यसपछि उनले फिल्म ‘एमएस धोनी: द अनटोल्ड स्टोरी’ बाट आफ्नो बेग्लै पहिचान बनाइन्। महेन्द्र सिंह धोनीको जीवनमा आधारित यो फिल्ममा कियाराले उनकी पत्नी साक्षीको भूमिका निभाएकी थिईन्। फिल्ममा सुशान्त सिंह राजपूतले धोनीको भूमिका निर्वाह गरेका थिए। सन २०१९ मा कियाराका दुई फिल्म ‘गुड न्युज’ र ‘कबीर सिंह’ हिट साबित भएका थिए। सन २०२० मा उनी ‘लक्ष्मी’ र ‘इन्दु की जवानी’ जस्ता फिल्ममा देखिएकी थिईन्।
