एजेन्सी : बलिउड फिल्म इन्डस्ट्रीका अभिनेत्रीले सेटमा देखाउने व्यवहारको बारेमा सधैँजसो खबर सुन्न पाइन्छ। कोही अभिनेत्री सेटमा समयमा नआउने र कोही अभिनेत्री सेटमा आए पनि आफ्नो मनोमानी गर्ने लगायतका समाचारहरु भारतीय सञ्चार माध्यमहरुले छापिरहन्छन्। केही अभिनेत्रीहरुले आफ्नो घमण्डीपन पनि देखाउने गर्छन्। आज हामी बलिउडको नभई साउथ इन्डस्ट्रीका अभिनेत्रीका बारेमा चर्चा गर्दै छौँ जो घमण्डी अभिनेत्री भनेर चिनिन्छन्।
तमन्ना भाटिया
तमिल, तेलुगु र हिन्दी चलचित्रहरूमा समेत देखा परिसकेकी अभिनेत्री तमन्ना भाटियालाई नचिन्ने मानिस शायदै कमै होलान्। दक्षिण भारतीय फिल्म इन्डस्ट्रीमा कैयन फिल्महरुमा काम गरेर उनले निकै लोकप्रियता हासिल गरेकी छिन्। उनले साउथ इन्डस्ट्रीमा सबैभन्दा धेरै फिल्महरुमा काम गरेको रेकर्ड पनि बनाएकी छिन्। तमन्ना साउथ इन्डस्ट्रीको सबैभन्दा सुन्दर अभिनेत्री मध्ये एक हुन्। बाहुबली फिल्ममा उनको अभिनय पछि उनको लोकप्रियताले उचाई चुमेको थियो। यहीँ सफलताको मातले उनलाई घमण्डी बनाएको भन्दै डायरेक्टरहरुले दुखेसो पोख्ने गरेको भारतीय सञ्चार माध्यमहरुले जनाएका छन्। उनले शूटिङको बेला मनोमानी गर्ने गर्छिन् र डायरेक्टरले भनेको कुरामा पनि बिल्कुलै ध्यान दिदैनन्।
प्रियामणि
साउथ इन्डस्ट्रीको चर्चित अभिनेत्री प्रियामणि आफ्नो लगन र मेहनतको बलले सफलताको चुचुरोमा पुगेकी हुन्। सफलताको शिखरमा पुगेपछि मनभित्र घमण्ड पलाउँनु स्वाभाविक हो, उनी पनि घमण्डले भरिन लागिन्। उनी शूटिङको बीचमै कसैलाई केही नभनी फुत्त बाहिर निस्किन्छिन्। घमण्डले भरिएको उनी मै हुँ भन्ने तुजुक देखाउने गर्छिन्। भारतीय सञ्चार माध्यमहरुका अनुसार उनी पछिल्लो समय कहिल्यै पनि समयमै शूटिङमा पुग्ने गर्दिनन्। प्रियामणि र निर्देशकबीच जहिल्यै पनि मनमुटाव भईरहन्छ। यहीँ कारण उनी अहिले साउथ इन्डस्ट्रीको घमण्डी अभिनेत्रीको सूचीमा समावेश छिन्। धेरै पटक उनको हर्कतको कारण उनका जुनियर आर्टिस्टको दिन खराब हुने गरेको समाचार आउने गर्छन्।
अनुष्का शेट्टी
सुपरहिट फिल्म बाहुबलीमा आफ्नो दमदार अभिनयको कारण उनको लोकप्रियताले शिखर चुमेको थियो। जसको कारण उनले आफ्नो पारिश्रमिक पनि बढाएकी थिईन्। अनुष्का शेट्टी शूटिङको क्रममा आफ्नो सहकर्मी कलाकारसँग बिनाकारण रिसाउँछिन् र झर्को मान्छिन्। साथै जुनियर आर्टिस्ट माथि पनि यत्तिकै चिच्याउँछिन्। उनले देखाएको यस्तो हर्कतको भिडियो केही समय अघि सामाजिक सञ्जालमा भाइरल भएको थियो। सोही भिडियोको कारण उनी घमण्डी कलाकारको सूचीमा परेकी हुन्।
