एजेन्सी : रिल लाइफमा जड्याहाको भूमिका निभाउने बलिउड सेलिब्रेटीहरु रियल लाइफमा पनि रक्सी पिएकोअवस्थामा भेटिन्छ। थुप्रै बलिउड सेलिब्रेटीले नशामा धूर्त भई ठुलो तमाशा खडा गरेका थिए। आखिरमा को-को हुन् त ती सेलिब्रेटी ?
सलमान खान
बलिउडको भाईजान सलमान खानले नशाको तालमा धेरैपटक हंगामा मच्चाईसकेका छन्। सन् २००२ मा अभिनेता माथि ड्रिंक एण्ड ड्राइवको केस पनि फाइल भएको थियो।
बलिउड अभिनेत्री ऐश्वर्यासँगको सम्बन्धको बीचमा पनि सलमानले नशामा ऐश्वर्याको घर बाहिर हंगामा खडा गरेका थिए। विवेक ओबेरोयले पनि सलमानले आफूलाई नशामा ज्यान मार्ने धम्की दिएको आरोप लगाएका थिए।
बलिउड इन्डस्ट्रीमा सलमान खान र शाहरुखको लडाई पनि निकै छ। शाहरुख खानले एक पार्टीमा ऐश्वर्याको नाम जोडेर मजाक उडाएका थिए, जुन सुनेर सलमान झनक्क रिसाए र तथानाम गाली गर्न थाले। उक्त पार्टीमा भएको लडाई बलिउड इन्डस्ट्रीको अहिलेसम्मकै ठुलो लडाई थियो।
मीका सिंह
लोकप्रिय गायक मीका सिंह त्यतिबेला खुब चर्चामा थिए जतिबेला राखी सावन्तले उनलाई नशामा जबर्जस्ती गरेको आरोप लगाईन। यो घटना २००६ को मीका सिंहको बर्थडे पार्टीको हो। पार्टीमा बर्थडेको केक काटेपछि मीकाले खुलेआम राखी सावन्तलाई लिप किस गरेका थिए, जुन देखेर त्यहाँ उपस्थित सबै अचम्मित भएका थिए। मीकाको यस हर्कत अपाच्य भएको भन्दा राखी सावन्तले उनीविरुद्द केस गरेका थिए।
शाहरुख खान
देवदासमा अल्कोहलिकको भूमिकामा देखिईसकेका शाहरुख खानलाई रियल लाइफमा पनि नशामा देखिएका छन्। मिडियाको क्यामराले उनलाई नशामा धूर्त अवस्थामा कैद गरेका थिए। अभिनेता शाहरुखले सन् २०१२ मा आफ्नो आइपिएल टिम कोलकोता नाइट राइडरको जितमा स्टेडियममै विजयोत्सव मनाएका थिए। विजयोत्सव मनाउने क्रममा शाहरुखले नशामा वानखेडे स्टेडियमका अधिकारीहरुसँग अशिष्ट तथा अभद्र व्यवहार गरेका थिए। स्टेडियमका अधिकारीले फ्लड लाइट बन्द गरेपछि शाहरुख एकदम रिसाए। झन् त्यहाँका अधिकारीहरुले सम्झाउन थालेपछि उनले आफ्नो रिसलाई काबू गर्न सकेनन् र लफडा भयो। पछि यो घटनाको अनुसन्धानको लागि मुम्बईको असिस्टेन्ट कमिस्नर अफ पुलिसलाई बोलाईएको थियो, जहाँ शाहरुखलाई नशामा पाईएको थियो।
सन् २०११ मा रिलिज भएको शाहरुख खानको फिल्म ‘रा.वन’ नराम्ररी फ्लप भएको थियो। सञ्जय दत्तको पार्टीमा फराह खानका पति शिरीष कुन्दरले शाहरुखसँग फिल्मको मजाक उडाएपछि शाहरुखको कन्पारो तात्यो। दुवै बीच बहस सुरु भयो र शाहरुखले हात पनि उठाए। त्यतिबेला शाहरुख नशामा धुत्त थिए, जसलाई सञ्जय दत्त र पार्टीमा भएका मानिसहरुले सम्हालेका थिए।
कपिल शर्मा
कमेडी किङ कपिल शर्मा त्यतिबेला विवादमा परे जब उनले नशामा आफ्नो साथी सुनील ग्रोवरलाई चप्पलले हाने। यो घटना त्यतिबेलाको हो जबकपिल शर्मा अस्ट्रेलियामा शो गरी टिमसँग भारत फर्किदै थिए। कपिल नशामा लगातार सुनील ग्रोवर, अली असगर र चन्दन प्रभाकरलाई गाली दिईरहेका थिए। जब सुनीलले कपिलको विरोध गरे तब कपिलले उनलाई चप्पलले हमला गरे। यो घटना पछि सुनीलले कपिलसँग काम गर्ने छाडिदिए। सुनील शोमा गुत्थी र डा मशहूर गुलाटीको भूमिका निभाउँथे जसलाई दर्शकहरुले खुब मन पराएका थिए।
सञ्जय दत्त
सन् २०१८ मा रिलिज भएको फिल्म ‘सञ्जु’ मा सञ्जय कसरी नशाको लतमा फसेका थिए भनेर देखाईएको छ। धेरै पटक सञ्जय दत्तलाई नशामा तमाशा गरेको देखिसकेका छौँ। सन् १९८१ मा आएको रकी पछि सञ्जय दत्तले पनि बलिउडमा राम्रो पहिचान बनाएका थिए। सञ्जय पहिले देखि नै श्रीदेवीको ठुलो फ्यान थिए। सन् १९८३ मा श्रीदेवी हिम्मतवाला फिल्मको शूटिङको लागि मुम्बई गएकी थिईन्। सञ्जयले यस कुरा कुराको जानकारी पाएपछि नशाको तालमै फ्यान बनेर सेटमा भेट्न गए। पूरा सेटमा हेर्दा पनि श्रीदेवीलाई नदेखेपछि सञ्जय अभिनेत्री श्रीदेवीलाई खोज्दै कोठामा पुगे। नशामा धुत्त सञ्जय एक्कासि कोठामा छिरेपछि श्रीदेवी डराइन्। डरले कामेकी श्रीदेवीले चिच्याएर सेक्युरिटी गार्डलाई बोलाएकी थिईन्।
रणबीर कपूरको पार्टीमा एकपटक सञ्जय दत्तले यति धेरै रक्सी पिएका थिए कि उनमा अलिकति पनि होश थिएन। उनलाई नशामा देखेर त्यहाँका सेक्युरिटी गार्ड्सले उनलाई गाडीसम्म लिएर गएका थिए। यो पूरा घटना मिडियामा सनसनीपूर्ण तरिकाले फैलिएको थियो।
मलाइका अरोडा
मिडियाले मलाइका अरोडालाई धेरै पटक पार्टीबाट निक्लिदा नशाको हालतमा भेटेका छन्। मनीष मल्होत्राको पार्टीमा मलाइकाले खुब हंगामा गरेका थिए। अभिनेत्री मलाईकाले नशामा सोनम कपूरलाई बेस्सरी धक्का मारेकी थिईन्।
अमीषा पटेल
कहो ना प्यार है र गदर जस्ता फिल्ममा सोझी युवतीको भूमिकामा देखिएकी अमीषा पटेल वास्तविक जीवनमा निकै बोल्ड छिन्। अभिनेत्री अमीषालाई नशाको लत छ, जसको कारण उनको पूरा करियर समाप्त हुन् लागिरहेको छ। अमीषालाई हरेक पार्टीमा नशामा देखेपछि उनको इमेज पनि खराब भएको थियो। एउटा पार्टीमा अभिनेत्रीले नशामा खुलेआम किम गरेकी थिईन्।
आमिर खान
बलिउडको मिस्टर पर्फेक्सनिस्ट आमिर खानेले एक पार्टीमा नशाको तालमा सबै अगाडी मुत्र विसर्जन गरेका थिए। उनको यस हर्कतलाई सलमान खानले पनि साथ दिएका थिए। नशा र मस्तीमा गरिएको यस हर्कतको तस्बिर चारैतिर फैलिएका थिए।
राजा चौधरी
भोजपूरी टिभी एक्टर राजा चौधरीले धेरै पटक नशामा हंगामा खडा गरिसकेका छन्। उनीमाथि नशा आफ्नी श्रीमती श्वेता तिवारी पिटेको आरोप पनि लागेको थियो। यति मात्र नभई एक पटक मदिरापान गरे राजाले यति हंगामा गरेका थिए कि प्रहरीले उनलाई गिरफ्तार गरेको थियो।
सिद्धार्थ शुक्ला
बिग बोस १३ का विजेता तथा बालिका बधुका अभिनेता सिद्धार्थ शुक्ला पनि धेरै पटक नशाको कारण विवादमा परिसकेका छन्। अभिनेता शुक्लालाई ड्रिंक एण्ड ड्राइव केसमा गिरफ्तार पनि गरिएको थियो। यस बाहेक सिद्धार्थलाई कलर्सको शो दिल से दिल तकको सेटमा ड्रग लिएको आरोप लागेको थियो। उनले नशामा धेरै पटक सेटमा पनि हंगामा गरिसकेका छन्।