भदौ १४ गतेको पञ्चाङ्ग
दिन : शनिवार
तिथि : सप्तमी, १९:५७ बजेपछि अष्टमी
नक्षत्र : विशाखा, १३:२४ बजेपछि अनुराधा
योग : ऐन्द्र, १५:१२ बजेपछि वैधृति
करण : गर, ०६:५६ बजेपछि वणिज, १९:५७ बजेउप्रान्त भद्रा
मेष राशि – चु, चे, चो, ला, लि, लु, ले, लो, अ (Aries)
खर्च धेरै हुने भएकाले हालको समयमा विशेष काम बन्ने सम्भावना कम छ। पैसाको सञ्चय हुन गाह्रो होला। तर अध्ययन–अध्यापनको प्रगति भने राम्रो देखिन्छ। आयको प्रमुख आधार व्यापार वा व्यवसाय नै हुनेछ। परिवारतर्फबाट ठूलो साथ सहयोग कमै मिल्ने देखिन्छ, तर सामान्य उतार–चढाव त रहिरहनेछ।
वृष राशि – इ, उ, ए, ओ, बा, बि, बु, बे, बो (Taurus)
प्रतिष्ठा र मान–मर्यादामा ठूलो सुधार नदेखिए पनि आर्थिक पक्ष स्थिर रहनेछ। आफ्नो सीप र ज्ञानले राम्रो लाभ दिलाउनेछ। मित्रहरूको सहयोग पक्कै पाइनेछ र पढाइ–लेखाइमा पनि प्रगति हुने समय छ।
मिथुन राशि – का, कि, कु, घ, ङ, छ, के, को, ह (Gemini)
दिन सामान्यभन्दा केही चुनौतीपूर्ण हुनेछ। मानसिक असन्तुष्टि बढ्नेछ। कार्यक्षेत्र वा कार्यालयमा झन्झट आउन सक्छ। व्यापार–व्यवसायसँग सम्बन्धित कार्यमा बढी समय खर्च हुनेछ र दौडधूप पनि गर्नुपर्ने देखिन्छ।
कर्कट राशि – हि, हु, हे, हो, डा, डि, डु, डे, डो (Cancer)
खर्च नियन्त्रण गर्न नसकिए पनि सुरु गरेका कामहरू सफलतापूर्वक सम्पन्न हुनेछन्। धार्मिक वा समाजोपयोगी कार्यमा पनि समय र खर्च दुवै लाग्न सक्छ। साथीभाइ र परिवारको सहयोगले वातावरण सकारात्मक रहनेछ।
सिंह राशि – मा, मि, मु, मे, मो, टा, टि, टु, टे (Leo)
मनमा अनावश्यक डर उत्पन्न भए पनि परिस्थिती त्यति प्रतिकूल छैन। कूटनीतिक वा सम्झौताका सीप कमजोर देखिए पनि बौद्धिक स्तर राम्रो रहनेछ। अध्ययनमा सामान्य प्रगति हुनेछ, तर केही स–साना समस्याहरूले सताउन सक्छन्।
कन्या राशि – टो, प, पि, पु, ष, ण, ठ, पे, पो (Virgo)
खर्चको मात्रा बढी हुनेछ र नियन्त्रणमा ल्याउन गाह्रो देखिन्छ। आफ्ना लागि भन्दा पनि पारिवारिक आवश्यकतामा बढी खर्च होला। वाणी नियन्त्रणमा नराख्दा समस्या बढ्न सक्छ। हाल व्यापार वा व्यवसायमा कमजोरी देखिन्छ। धार्मिक आस्थामा समय दिनु लाभदायी हुनेछ।
तुला राशि – र, रि, रु, रे, रो, ता, ति, तु, ते (Libra)
सुरुवाती चरणमा स्वास्थ्यसम्बन्धी स–साना समस्या आउन सक्छन्, तर सजिलो उपायले समाधान पाउन सकिनेछ। शिक्षामा उल्लेखनीय प्रगति हुनेछ। साथीहरूको राम्रो साथ पाइनेछ। प्रविधि वा सीपसँग सम्बन्धित कामबाट लाभ लिन सकिने समय छ।
वृश्चिक राशि – तो, ना, नि, नु, ने, नो, या, यि, यु (Scorpio)
स–साना चिन्ता भए पनि ठूलो क्षति हुने देखिन्न। नियमित शिवपूजा वा आराधनाले मनको बोझ कम हुनेछ। अध्ययन औसत स्तरमै रहनेछ। परिवारको सहयोगले केही महत्वपूर्ण काम सफलतापूर्वक पुरा हुन सक्छ।
धनु राशि – ये, यो, भ, भि, भु, ध, फा, ढ, भे (Sagittarius)
सामान्य खालको समय छ। मनमा हल्का शंका वा डर भए पनि परिस्थिति अनुकूल नै रहनेछ। आर्थिक पक्ष मजबुत रहनेछ। जागिरभन्दा व्यापार–व्यवसायमा फाइदा देखिन्छ। सूर्यको आराधना गर्नु र पीपलमा जल चढाउनु लाभदायी हुनेछ।
मकर राशि – भो, ज, जि, खि, खु, खे, खो, गा, गि (Capricorn)
दिन विशेष खराब छैन। साथीभाइसँग भेटघाट र भोजभतेरको अवसर मिल्नेछ। आर्थिक स्थिति बलियो रहनेछ। परिवारमा खुसी र उत्साहको वातावरण रहनेछ। यात्रा गर्ने सम्भावना भए पनि परिणामस्वरूप ठूलो उपलब्धि नहुन सक्छ।
कुम्भ राशि – गु, गे, गो, सा, सि, सु, से, सो, द (Aquarius)
भोजभतेरका कारण खर्च बढ्नेछ। यसै क्रममा सञ्चित धन पनि खर्चिन सक्छ। साथीहरूको सहयोग कम मात्र पाइनेछ। श्रमको मूल्य कम पाउने सम्भावना छ। अध्ययनमा सामान्य प्रगति हुनेछ। व्यापारमा मध्यम लाभ पाउन सकिनेछ।
मीन राशि – दि, दु, थ, झ, ञ, दे, दो, च, चि (Pisces)
लाभभन्दा खर्च धेरै हुने सम्भावनाले मन अस्थिर रहन सक्छ। सहयोग गर्ने मानिसहरूको संख्या सीमित छ। अध्ययनभन्दा अन्य कार्यमा समय बढी जानेछ। बोलीमा संयम नहुँदा समस्या पर्न सक्छ। भगवती तथा नारायणको आराधनाले मनमा शान्ति मिल्नेछ।