भदौ १ गतेको पञ्चाङ्ग
दिन : आइतवार
तिथि : नवमी, २०:१४ बजेपछि दशमी
नक्षत्र : कृत्तिका, ०६:३५ बजेपछि रोहिणी, ०५:०१ बजेउप्रान्त मृगशिरा
योग : ध्रुव, ०७:१५ बजेपछि व्याघात, ०४:१७ बजेउप्रान्त हर्षण
करण : तैतिल, ०९:२५ बजेपछि गर, २०:१४ बजेउप्रान्त वणिज
मेष – चु, चे, चो, ला, लि, लु, ले, लो, अ (Aries)
दिन तपाईको मानसिक र शारीरिक स्फूर्ति बढ्नेछ। नयाँ काम सुरु गर्न अनुकूल समय भएकाले योजना सफल हुने सम्भावना बलियो छ। परिवारसँग रमाइलो क्षण बित्नेछ भने धार्मिक वा सामाजिक कार्यमा धन खर्च हुन सक्छ। पर्यटन वा यात्राको अवसर पनि मिल्ने देखिन्छ। तर, अनावश्यक विवादमा नफस्नु हितकर हुनेछ। समग्रमा दिन शुभ र लाभदायी रहनेछ।
वृष – इ, उ, ए, ओ, बा, बि, बु, बे, बो (Taurus)
आफ्नो व्यवहारमा विशेष सतर्कता अपनाउनु पर्नेछ। नकारात्मक सोचलाई टाढा राख्नु लाभदायी हुनेछ। खानपानमा संयम अपनाउनु राम्रो हुन्छ। दिउँसोपछि भने तपाईंका कामहरू अपेक्षा अनुसार सफल हुनेछन्। सिर्जनात्मक वा कलात्मक क्षेत्रमा मान–सम्मान प्राप्त गर्ने योग छ।
मिथुन – का, कि, कु, घ, ङ, छ, के, को, ह (Gemini)
महत्वपूर्ण निर्णयलाई पछि सार्नु बुद्धिमानी हुनेछ। प्रियजनसँगको भेटमा दिन रमाइलो तर व्यस्त बन्नेछ। छोटो दूरीको यात्रा हुन सक्छ। दाजुभाइ वा दिदीबहिनीसँग नजिकिने अवसर मिल्नेछ। तर दिउँसोपछि स्वास्थ्यमा कमजोरी देखिन सक्छ र धन वा प्रतिष्ठामा घाटा हुने सम्भावना छ।
कर्कट – हि, हु, हे, हो, डा, डि, डु, डे, डो (Cancer)
पारिवारिक जीवनमा केही कठिनाइ आउन सक्छ। आमाको स्वास्थ्यमा समस्या देखिनु मन खिन्न हुने कारण बन्नेछ। धन र प्रतिष्ठामा असर पर्न सक्छ। यद्यपि सिर्जनात्मक कार्यमा रुचि बढ्नेछ र विद्यार्थीका लागि समय अनुकूल रहनेछ। साथीहरूसँग सम्बन्ध सुमधुर रहनेछ।
सिंह – मा, मि, मु, मे, मो, टा, टि, टु, टे (Leo)
विद्यार्थीका लागि पढाइमा सफलता मिल्नेछ। साहित्य वा लेखनमा मन जानेछ। घरमा खुशी छाउनेछ र व्यवसायमा प्रगति हुनेछ। सहकर्मीहरूको सहयोगले आत्मविश्वास बढ्नेछ। प्रतिस्पर्धात्मक क्षेत्रमा पनि सफलता पाउने शुभ दिन हो।
कन्या – टो, प, पि, पु, ष, ण, ठ, पे, पो (Virgo)
आत्मविश्वास र दृढ इच्छाशक्तिका कारण तपाईंका काम सजिलै सम्पन्न हुनेछन्। गृहस्थ जीवनमा शान्ति र सन्तोष मिल्नेछ। मनोरञ्जनात्मक गतिविधिमा मन जानेछ। तर बोलीमा संयम राख्नु आवश्यक छ, किनकि नकारात्मक शब्दले असर गर्न सक्छ। स्वास्थ्य तन्दुरुस्त रहनेछ।
तुला – र, रि, रु, रे, रो, ता, ति, तु, ते (Libra)
मित्र वा साथीहरूको साथमा दिन रमाइलो हुनेछ। मनोरञ्जनमा समय बित्नेछ। स्वास्थ्य सामान्य रहनेछ। तर आकस्मिक खर्चको सम्भावना भएकाले सजग रहनुहोस्। त्यस्तै, अप्रत्याशित धन लाभ हुने संकेतले चिन्ता कम हुनेछ।
वृश्चिक – तो, ना, नि, नु, ने, नो, या, यि, यु (Scorpio)
स्वास्थ्यमा अचानक समस्या आउन सक्ने भएकाले विशेष ध्यान दिनुहोस्। घरभित्र वादविवाद वा असहमति उत्पन्न हुन सक्छ। नकारात्मक सोच टाढा राख्नुहोस्। इष्टदेवको स्मरण र आध्यात्मिक अभ्यासले मनमा शान्ति ल्याउनेछ।
धनु – ये, यो, भ, भि, भु, ध, फा, ढ, भे (Sagittarius)
शारीरिक थकान र मानसिक चिन्ता बढ्न सक्छ। व्यवसाय वा व्यापारमा घाटा हुनसक्ने भएकाले सतर्क रहनुहोस्। तर दिउँसोपछि स्वास्थ्यमा सुधार हुनेछ। व्यवसायमा लाभ मिल्नेछ र आर्थिक पक्ष बलियो बन्नेछ।
मकर – भो, ज, जि, खि, खु, खे, खो, गा, गि (Capricorn)
व्यवसायमा उच्च पदाधिकारी वा वरिष्ठ व्यक्तिबाट लाभ हुने सम्भावना छ। आय वृद्धिका अवसरहरू प्राप्त हुनेछन्। सामाजिक वा औपचारिक कार्यक्रममा सहभागी हुने अवसर मिल्नेछ। अप्रत्याशित धन लाभको प्रबल संभावना रहेको छ।
कुम्भ – गु, गे, गो, सा, सि, सु, से, सो, द (Aquarius)
घरपरिवार र सन्तान सम्बन्धी शुभ समाचार सुन्न सकिन्छ। पुराना साथी भेट हुनसक्छन्। व्यवसाय र वित्तीय क्षेत्रमा लाभ हुने योग छ। स्वास्थ्यमा केही परिवर्तन आउन सक्छ, त्यसैले सचेत रहनुहोस्। आर्थिक कारोबारमा ध्यान दिनुहोस् र धार्मिक कार्यमा खर्च हुने सम्भावना छ।
मीन – दि, दु, थ, झ, ञ, दे, दो, च, चि (Pisces)
कम समयमा नै राम्रो लाभ प्राप्त गर्ने अवसर मिल्नेछ। अनावश्यक विवाद वा मनमुटाव टार्न सके फाइदा हुनेछ। स्वास्थ्य सामान्य रहनेछ। वित्तीय कारोबारमा सजग रहनु आवश्यक छ। धार्मिक यात्राको सम्भावना छ। नयाँ काम सुरु गर्न शुभ समय छ र आकस्मिक धन लाभको सम्भावना पनि प्रबल छ।
